ދެކުނުގެ އަތޮޅެއްގެ ރަށެއްގައި އުމުރުން 12 އަހަރުގެ އަންހެނަކަށް ޖިންސީ ގޯނާ ކުރި އުމުރުން ދުވަސްވީ މީހާ ކޯޓުން ދޫކޮށްލުމުން، އަލުން އެ މީހާ ހައްޔަރުކޮށްފިއެވެ. 

ފުލުހުން ހާމަކުރެއްވި ގޮތުގައި ރާއްޖޭގެ ދެކުނުގެ ހަތަރު އަތޮޅުގެ ރަށެއްގައި 12 އަހަރުގެ އަންހެންކުއްޖަކަށް ޖިންސީ ގޯނާކުރި ކަމަށް ތުހުމަތުކުރެވޭ މައްސަލަ އޭޕްރީލް 28 ވަނަ ދުވަހު ރިޕޯޓްކޮށްފައިވާ ކަމަށެވެ. މި މައްސަލަ އާއި ގުޅިގެން 61 އަހަރުގެ ދިވެހި ފިރިހެނަކު މިދިޔަ މެއި 1 ވަނަ ދުވަހު ހައްޔަރުކޮށްފައިވާއިރު، މި މައްސަލައިގެ ތަހުޤީގު ނިންމައި މެއި 29 ވަނަ ދުވަހު ދައުވާ ކުރުމަށް ޕްރޮސެކިއުޓާ ޖެނެރަލް (ޕީޖީ)އަށް ފޮނުވާފައިވާ ކަމަަށެވެ. 

މީގެ އިތުރުން ޖުލައި ހަތަރު ވަނަ ދުވަހު ކޯޓުން ވަނީ އެމީހާ ވަނީ ދޫކޮށްލާފައެވެ. މިއާއެކު އެ މީހާ ދޫކޮށްލި މައްސަލަ އިސްތިއުނާފުކޮށް މައްސަލައިގައި ތުހުމަތު ކުރެވޭ މީހާ އޮގަސްޓު ނުވަ ވަނަ ދުވަހު ކޯޓު އަމުރެއްގެ ދަށުން އަނެއްކާވެސް ހައްޔަރު ކުރި ކަމަށް ފުލުހުން ވިދާޅުވިއެވެ.

އޭނާގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން ޝަރީއަތް ނިމެންދެން ބަންދު ކުރުމަށް ކޯޓުން ވަނީ އަމުރުކޮށްފައެވެ.