ކުނި މެނޭޖްކުރުމުގެ ތަމްރީނަކަށް 7 ރަށެއްގެ 14 ބައިވެރިން އިންޑިއާއަށް

އައިޝަތު ޝިއުރާ
27 Aug 2024
ހަބަރު

ކުނި މެނޭޖްކުރުމުގެ ތަމްރީނަކަށް 7 ރަށެއްގެ 14 ބައިވެރިން އިންޑިއާގެ ނިއު ދެއްލީއަށް ދަތުރުކުރުމަށް ވަނީ ހަމަޖެހިފައެވެ.

މިނސްޓްރީގައި މިއަދު ހެނދުނު ގްރީން ބިލްޑިން އިމާރާތުގައި ޒޯން 4 އަދި 5 ގެ ކައުންސިލު މުވައްޒަފުންނަށް ހާއްސަ އޮރިއެންޓޭޝަން ބައްދަލުވުމެއް ބާއްވާފަ އެވެ. މި ބައްދަލުވުމުގައި މިނިސްޓަރު ތޯރިގު އިބްރާހީމްގެ އިތުރުން ވުޒާރާގެ ޑެޕިއުޓީ މިނިސްޓަރުންނާއި ވޭސްޓް ޑިޕާޓްމެންޓްގެ ޑިރެކްޓާ ޖެނެރަލްއާއި އެހެން އިސް އޮފިޝަލުން ބައިވެރިވެވަޑައިގެންނެވިއެވެ.

މި އޮރިއެންޓޭޝަން ބައްދަލުވުމަކީ އޮގަސްޓް 27 އިން 30 ގެ ނިޔަލަށް ބާއްވާ ޓެކްނިކަލް ތަމްރީނެއްގެ ބައިވެރިންނަށް ހާއްސަކޮށް ބޭއްވި ބައްދަލުވުމެކެވެ.އިންޑިއާގެ ވެރިރަށް ނިއު ދެއްލީގައި ބާއްވާ އެ ތަމްރީންގައި ވޭސްޓް މެނޭޖްމެންޓް ސިސްޓަމްތަކާއި ގުޅޭގޮތުން ތަމްރީން ދެވޭނެ ކަމަށް މިނިސްޓްރީން މައުލޫމާތުދީފައި ވެއެވެ. މި ތަމްރީން ދިނުމަށް ހަމަޖެހިފައިވަނީ ޓެރީ ސްކޫލް އޮފް އެޑްވާންސްޑް ސްޓަޑީޒް އިން ނެވެ.

ފ. މަގޫދޫ، ފ. ނިލަންދޫ، މ. ކޮޅުފުށި، މ. މުލައް، ތ. ކިނބިދޫ އަދި ތ. ތިމަރަފުށިން ޖުމްލަ 14 ފަރާތެއް ތަމްރީންގައި ބައިވެރިވުމަށް ހަމަޖެހިފައި ވެއެވެ.

މިއީ 4 ދުވަހުގެ ޕްރޮގްރާމްގެ ބައިވެރިންނަށް ކްލާސްރޫމް ސެޝަންތަކުގެ އިތުރުން ވޭސްޓް ޕްރޮސެސިން ޕްލާންޓް ތަކަށް ޒިޔާރަތްކުރުމުގެ ފުރުސަތު ލިބިގެންދާނެ އެވެ.

މި ތަމްރީން ޕްރޮގްރާމަކީ ވޯލްޑް ބޭންކްގެ އެހީގައި ކުރިއަށްދާ މޯލްޑިވްސް ކްލީން އެންވާރަމެންޓް ޕްރޮޖެކްޓްގެ ދަށުން ހިންގާ ޕްރޮގްރާމެކެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު