މައުލޫމާތުދިނުމުގެ ސެޝަންތަކެއް ދ. އަތޮޅު ބައެއް ރަށްރަށުގައި ކުރިއަށް ގެންގޮސްފި

އައިޝަތު ޝިއުރާ
28 Aug 2024
ހަބަރު

ހޭލުންތެރިކުރުވުމަށް މައުލޫމާތުދިނުމުގެ ސެޝަންތަކެއް ދ. މީދޫ، ކުޑަހުވަދޫ އަދި ހުޅުދެލީގައި ކުރިއަށް ގެންގޮސްފިއެވެ.

އޮގަސްޓު 18 އިން 22 އަށް ކުރިއަށް ގެންދިޔަ މި ސެޝަންތަކުގައި، ދަރިވަރުންނާއި ބެލެނިވެރިންނަށް މޯޓިވޭޝަން އަދި ދަރިން ތަރުބިއްޔަތުކުރުމުގައި ބެލެނިވެރިންގެ ޒިންމާއާ ގުޅޭގޮތުން މައުލޫމާތުދީފައި ވެއެވެ.

އެގޮތުން ކޮންމެ ރަށެއްގައި ވެސް މި ސެޝަންތައް ކުރިއަށް ގެންގޮސްފައިވަނީ ދެ ސެޝަނެއްގެ ގޮތުގައި ދަރިވަރުންނާއި ބެލެނިވެރިންނަށް ވަކިންނެވެ. ދަރިވަރުންނަށް ކުރިއަށް ގެންދިޔަ ސެޝަންތަކުގައި ހިތްވަރާއެކު ފަސްނުޖެހި މަސައްކަތް ކޮށްފިނަމަ ކޮންމެކަމެއް ވެސް ކާމިޔާބުކުރެވިދާނެކަމަށާއި، ބެލެނިވެރިންނާއި މުދައްރިސުންނަށް އިހުތިރާމުކުރުމުގެ މުހިންމުކަމާއި އެކަމުން އުފެދޭނެ ހަރުދަނާ ގުޅުންތަކާއި ބެހޭގޮތުން މައުލޫމާތުދީފައި ވެއެވެ. އަދި ކޮންމެ ކުއްޖަކީ ވެސް ތަފާތު ކޮންމެވެސް ހުނަރެއްހުރި މޮޅު ރަނގަޅު ކުއްޖެއް ކަމަށާއި، ކާމިޔާބަށް އަބަދުވެސް މަސައްކަތްކުރުމަށް ހިތްވަރުދީ، ވަގުތުގެ ބޭނުން ހެޔޮގޮތުގައި ހިފުމަށް ކުރެވިދާނެ ކަންކަމާއި، އަމިއްލަ ނަފުސާ ދޭތެރޭ ވިސްނައިލުމަށް ވަގުތު ކޮޅެއް ހޭދަކުރުން މުހިންމުކަން ފާހަގަ ކޮށްފައިވެއެވެ. އަދި ދީނީ ކަންކަމަށް ފަރުވާތެރިވުމުގެ މުހިންމުކަމާއި، މާތް ﷲ ހަނދުމަކޮށް އެފަރާތަށް ގިނަގިނައިން ދުއާ ކުރުމުން ކަންކަން ފަސޭހަ ވެގެންދާނެ ކަމަށް ދަރިވަރުންނަށް ބުނެދީފައި ވެއެވެ.

ބެލެނިވެރިންނަށް ކުރިއަށް ގެންދިޔަ ސެޝަންތަކުގައި ދަރިން ހެޔޮގޮތުގައި ތަރުބިއްޔަތުކުރުމުގައި ބެލެނިވެރިންގެ ޒިންމާ، ތަރުބިއްޔަތުކުރުމުގައި ބޭނުންކުރެވިދާނެ ބައެއް އުކުޅުތައް، ކުދިންނަށް އަންނަ ބަދަލުތައް ދެނެގަނެވޭނެ ގޮތްތައް، ކުދިންގެ ސިއްހީ ދުޅަހެޔޮކަން ރަނގަޅުކޮށް ބެލެނިވެރިންނާ އޮންނަ ގުޅުން ރަނގަޅުކުރުމާއއަދި ބެލެނިވެރިންނަށް ދިމާވާ އެކިއެކި ގޮންޖެހުންތަކުން އަރައިގަތުމަށް އަމަލުކުރާނެ ރަނގަޅު ގޮތްތަކާ ބެހޭގޮތުން މައުލޫމާތު ހިއްސާކޮށްފައިވެއެވެ. އަދި ބެލެނިވެރިން ސުވާލު އުފެދޭ އެއްވެސް ކަމެއް ހުރިތޯ ބަލައި އޮޅުން ފިލުވައިދީފައިވެއެވެ.

ކޮމިއުނިޓީ އައުޓްރީޗް ޕްރޮގްރާމްސް ޔުނިޓުގެ އެހީތެރިކަމާއެކު ކުރިއަށްގެންދިޔަ މި ސެޝަންތަކަކީ ދ. އަތޮޅު ސްކޫލުތަކުގައި ތައުލީމު ހާސިލުކުރަމުންގެންދާ ދަރިވަރުންގެ ކިބައިގައި ރަނގަޅު ހަރުދަނާ ސިފަތަކެއް އަށަގެންނެވުމާއި، ތައުލީމު ހާސިލުކުރުމާއި އިތުރު ހަރަކާތްތަކުގައި ކެރިގެން ކަންކަމާއި ކުރިމަތިލައި ރަނގަޅު ނަތީޖާއެއް ހޯދޭނެފަދަ ގާބިލު ދަރިވަރުން ތަކެއްގެ ގޮތުގައި ދަރިވަރުން ތަރުބިއްޔަތު ކުރުވައި ހޭލުންތެރިކުރުވައި އަދި ބެލެނިވެރިން ހޭލުންތެރިކުރުވުމަށް ކުރިއަށް ގެންދިޔަ ސެޝަންތަކެކެވެ.

މި ސެޝަންތަކަށް ބޮޑު ތަރުހީބެއް ލިބިގެން ގޮސްފައިވާއިރު މިފަދަ ސެޝަންތަކުގެ ސަބަބުން ދަރިވަރުންނާއި ބެލެނިވެރިންގެ ގުޅުމަށް ރަނގަޅު ބަދަލުތަކެއް އަންނަމުންދާކަން ފާހަގަކޮށް ސެޝަންތަކުގެ ބައިވެރިންގެ ފަރާތުން ފުލުހުންނަށް ޝުކުރު އަދާކޮށްފައިވެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު