ޢީދު މިސްކިތުން ވަގަށް ނަގާފައިވާ ތަކެތި : ފޮޓޯ/ މާލެ ސިޓީ ކައުންސިލް
ރޭގެ ވަގުތެއްގައި ޢީދު މިސްކިތުން ވައްކަންކޮށްފި!
ޢީދު މިސްކިތު ފަންކާތަކުގެ ނަރުތަކާއި، ބޮކިތަކެއް ވަގަށް ނަގައިފިއެވެ.
މާލޭ ސިޓީ ކައުންސިލުން މިއަދު އެކްސްގައި ކުރި ޕޯސްޓުގައިވާ ގޮތުން، މަރާމާތަށް ބަންދުކޮށްފައިވާ ޢީދު މިސްކިތުން ރޭ 6 އާއި 10 އާ ދެމެދުގެ ވަގުތެއްގައި އަނެއްކާވެސް ވަނީ ވައްކަން ކޮށްފައެވެ.
އެގޮތުން، ވަގަށް ނަގާފައިވާ ތަކެތީގެ ތެރޭގައި 13 ބޮކި އަދި 8 ފަންކާގެ ނަރުތައް ހިމެނޭ ކަމަށާ މި މައްސަލަ މިހާރު މޯލްޑިވްސް ޕޮލިސް ސަރވިސްއަށް ހުށަހަޅާފައިވާ ކަމަށް ބުނެފައިވެއެވެ.
މި ކަމާ ގުޅިގެން ފުލުހުން ބުނީ، މި މައްސަލައާ ގުޅިގެން މިހާތަނަށް އެއްވެސް މީހަކު ހައްޔަރުކޮށްފައެއް ނުވާ ކަމަށާ ނަމަވެސް، ފުލުހުން މި މައްސަލަ ތަޙުޤީޤު ކުރަމުން ގެންދާ ކަމަށެވެ.
މީގެ ކުރިންވެސް ޢީދު މިސްކިތުން ވައްކަންކޮށްފައިވާކަން ފާހަގަކޮށްލަންޖެހެއެވެ. އަދި އެނޫންވެސް އެހެން މިސްކިތް ތަކުގެ ފަންކާއާއިނަރު ފަދަ ތަކެތި ދޭތެރެއިން ވަގަށް ނަގައިގެން ވިއްކާ މައްސަލަތައް ފެންމަތިވެއެވެ.
