ފަސް މިލިއަން ޕްރޮޖެކްޓްގެ ތެރެއިން ސްޓެލްކޯއިން 30000 ގަސް އިންދައިފި

އައިޝަތު ޝިއުރާ
29 Aug 2024
ހަބަރު

ފަސް މިލިއަން ޕްރޮޖެކްޓްގެ ތެރެއިން ސްޓެލްކޯއިން މަހެއްގެ ތެރޭގައި 30،371 ގަސް އިންދައިފިއެވެ. ސްޓެލްކޯއިން 30،371 ގަސް އިންދާފައިވަނީ މިދިޔަ ޖޫން މަހުގެ 5 ވަނަ ދުވަހުން ފެށިގެން އެ މަހުގެ 24 ވަނަ ދުވަހުގެ ނިޔަލަށެވެ.

އެގޮތުން ޖޫން 5 ވަނަ ދުވަހު ފާހަގަ ކުރި ތިމާވެށީގެ ދުވަހު އެ ކުންފުނިން ވަނީ ކ. ތުލުސްދޫގައި، އެ ކުންފުނިން ފެށި ފަސް އަހަރު ތެރޭ ފަސް ލައްކަ ގަސް އިންދުމުގެ ޕްރޮގްރާމް އިފްތިތާހުކޮށް ގަސް އިންދާފަ އެވެ. އެގޮތުން އެ ދުވަހު ކ. ތުލުސްދޫއާއި ސްޓެލްކޯއިން ހިދުމަތް ދޭ އެހެނިހެން ރަށްރަށުގައި ވަނީ 21،007 ގަސް އިންދާފަ އެވެ.

އޭގެ ފަހުން ސްޓެލްކޯއިން ވަނީ ކ. ދިއްފުށީގެ އާ އިންޖީނުގޭގެ މަސައްކަތް ކޮންޓްރެކްޓަރާ ހަވާލުކޮށް އާ އިންޖީނުގޭގެ ބިންގާ އެޅުމަށް ބޭއްވި ރަސްމިއްޔާތުގެ ހަވާސާގައި އެ ރަށުގައި 1،000 ގަސް އިންދާފަ އެވެ. އަދި ޖޫން 24، 2024 ގައި ސްޓެލްކޯއިން ވަނީ އެ ކުންފުނިން ހިދުމަތް ދެމުން އަންނަ އެކި ރަށްރަށުގައި ކުރިއަށް ގެންދިޔަ ގަސް އިންދުމުގެ ޕްރޮގްރާމްތަކުގައި 8،364 ގަސް އިންދާފަ އެވެ.

ސްޓެލްކޯއިން ބުނީ ކުރިއަށް އޮތްތާ ކޮންމެ މަހަކުވެސް ސްޓެލްކޯއިން ހިދުމަތް ދެމުން އަންނަ ރަށްރަށުގައި ގަސް އިންދުމުގެ ޕްރޮގްރާމްތައް ކުރިއަށް ގެންދާނެ ކަމަށެވެ. އަދި އެކުންފުނިން ޕްލެޖްވެފައިވާ ގޮތަށް ފަސް އަހަރު ތެރޭގައި ފަސް ލައްކަ ގަސް އިންދާނެކަމަށް އެ ކުންފުނިން ބުނެ އެވެ.

ފަސް މިލިއަން ގަސް އިންދުމުގެ މަޝްރޫއު ރައީސް ޑރ. މުއިއްޒު އިއުލާން ކުރައްވާފައިވަނީ ތިމާވެށީގެ ކަންކަމާ ގުޅިގެން ބާއްވާ އެންމެ ބޮޑު ބައްދަލުވުން ކަމަށްވާ ‘ކޮޕް28’ ގައި ތަގުރީރު ކުރައްވަމުންނެވެ. މި މަޝްރޫއަކީ ރާއްޖެ ފެހިކުރުމަށާއި ގަސްތަކުގެ މާހައުލީ ނިޒާމްތައް ރައްކާތެރިކޮށް ދެމެހެއްޓުމާއި އަދި މޫސުމީ ބަދަލުން ދިމާވާ ނުރައްކާތަކަށް ދިވެހިރާއްޖޭގެ ވިލުންތެރިކަން އިތުރުކުރުމަށްޓަކައި ކުރިއަށް ގެންދާ މަޝްރޫއެކެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު