ފުވައްމުލަކުގައި ދަނޑުވެރިކަމުގެ ޤައުމީ ލެބޯޓަރީ ޤާއިމްކުރުމުގެ އެއްބަސްވުމުގައި ސޮއިކޮށްފި

އައިޝަތު ޝިއުރާ
29 Aug 2024
ހަބަރު

ފުވައްމުލަކުގައި ދަނޑުވެރިކަމުގެ ޤައުމީ ލެބޯޓަރީއެއް ޤާއިމުކުރުމަށް ތިން ފަރާތެއްގެ މެދުގައި އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގައި ސޮއިކުރެއްވީ ދަނޑުވެރިކަމާއި ދިރޭތަކެއްޗާބެހޭ ވުޒާރާގެ ވަޒީރު  އައިޝަތު ރަމީލާ އާއި ވެންޒާ ކޮމްޕެނީ ޕްރައިވެޓް ލިމިޓެޑްގެ ޑިރެކްޓަރު  އަބްދުﷲ ޙާނިސް މޫސާއެވެ. އޭގެ އިތުރުން، ފުވައްމުލަކު ސިޓީގެ ފަރާތުން ސިޓީ މޭޔަރު  އިސްމާޢީލް ރަފީޤް ވެސް މި އެއްބަސްވުމުގައި ސޮއިކުރެއްވިއެވެ. މި އެއްބަސްވުމަކީ ޤައުމީ ފެންވަރުގައި ދަނޑުވެރިކަން ކުރިއެރުވުމަށް އެޅޭ މުހިންމު ފިޔަވަޅެކެވެ.

މި ލެބޯޓަރީގެ މައިގަނޑު މަޤްޞަދަކީ ގަސްތަކުގެ ބަލިތައް ދެނެގަނެ، ކޮންޓްރޯލްކޮށް، ފަރުވާދިނުމަށް ދަނޑުވެރިންނަށް އެހީތެރިވުމެވެ. މިހާތަނަށް ރާއްޖޭގައި ދަނޑުވެރިކަމުގެ ލެބޯރެޓަރީއެއް ނެތުމުން، ބޭރަށް ސާމްޕަލް ފޮނުވައިގެން ޓެސްޓުތައް ހަދަންޖެހޭތީ ޚަރަދު ބޮޑުވެ، ގޮންޖެހުންތަކާ ކުރިމަތިވެފައިވާއިރު، މި މަޝްރޫއުގެ ސަބަބުން ދަޑުވެރިންނަށް ގިނަގުނަ މަންފާ ލިބިގެންދާނެއެވެ.

މީގެ އިތުރުން، މި ލެބޯޓަރީގައި ޕްލާންޓް ޕެތޮލޮޖީ، އެންޓޮމޮލޮޖީ، ސޮއިލް ސައިންސް، އަދި ޕްލާންޓް ޓިޝޫ ކަލްޗަރގެ ޚިދުމަތްތައް ފޯރުކޮށްދިގެންދާނެއެވެ. 2025 ވަނަ އަހަރުގެ ސެޕްޓެމްބަރު މަހުގެ ނިޔަލަށް ލެބޯރެޓަރީ އިމާރާތްކުރުމުގެ މަސައްކަތް ނިމޭނެކަމަށް ލަފާކުރެވެއެވެ.

ފާހަގަކޮށްލެވޭ ގޮތުގައި ދަނޑުވެރިކަން ކުރިއެރުވުމަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މުހިންމު ވަޢުދުފުޅެކެވެ. މި މަޝްރޫޢުއަށް ސަރުކާރުން 11 މިލިއަން ރުފިޔާ ޚަރަދުކުރުމަށް ހަމަޖެހިފައިވާއިރު، ބޭނުންވާ އިކުއިޕްމަންޓްތައް މިހާރު ވަނީ ގަނެ ފުވައްމުލަކަށް ގެނެވިފައެވެ. މީގެ އިތުރުން، މުވައްޒަފުން ހޯދައި ތަމްރީނުކުރުމުގެ މަސައްކަތްތައް ވެސް ވަނީ ފެށިފައެވެ. މި މަޝްރޫޢުގެ ސަބަބުން ޤައުމީ ފެންވަރުގައި ދަނޑުވެރިކަމުގެ ދާއިރާއަށް އިތުރު ކުރިއެރުންތަކެއް ލިބޭނެކަމަށް އުންމީދުކުރެވެއެވެ.

މި މަޝްރޫޢު ކުރިއަށް ގެންދެވެނީ ފުވައްމުލަކު ސިޓީ ކައުންސިލްގެ މުހިންމު އެއްބާރުލުމާ އެކުގައެވެ. މަޝްރޫޢުގެ ޢަމަލީ މަސައްކަތްތައް ބެލެހެއްޓުމާއި، ކޮންޓްރެކްޓަރުގެ މަސައްކަތްތަކަށް އެހީތެރިވުމަށްޓަކައި ފުވައްމުލަކު ސިޓީ ކައުންސިލާއެކު ވަކި އެއްބަސްވުމެއްގައި ސޮއިކުރެވިފައިވެއެވެ. މި ޤައުމީ ލެބޯޓަރީ ޤާއިމުކުރެވުމުން ދިވެހިރާއްޖޭގެ ދަނޑުވެރިކަމުގެ ދާއިރާއަށާއި ޚާއްޞަކޮށް ފުވައްމުލަކު ސިޓީގެ އިޤްތިޞާދަށް ފާހަގަކުރެވޭފަދަ ކުރިއެރުމެއް ލިބޭނެކަމަށް އުންމީދުކުރެވެއެވެ. މި މަޝްރޫޢަކީ ސަރުކާރާއި ލޯކަލް ކައުންސިލްތަކާއި އަމިއްލަ ވިޔަފާރިތައް ގުޅިގެން ކުރިއަށް ގެންދާ ނަމޫނާ މަޝްރޫޢެއްގެ ގޮތުގައި ވެސް ފާހަގަކުރެވެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު