ވޯލްޑްބޭންކުގެ އައު ކަންޓްރީ މެނޭޖަރ މިނިސްޓަރ ތާރިޤް އިބްރާހީމްއާ އިޙްތިރާމްގެ ޒިޔާރަތެއްކުރައްވައިފިއެވެ.
ވޯލްޑްބޭންކުގެ އައު ކަންޓްރީ މެނޭޖަރ، މިސްޓަރ ގެވޯގް ސަރގްސްޔަން، މިއަދު މިނިސްޓަރ އޮފް އެންވަޔަރަންމަންޓް، ކްލައިމެޓް ޗޭންޖް އެންޑް އެނާރޖީ، ތާރިޤް އިބްރާހީމްއާ ބައްދަލުކުރައްވައިފިއެވެ.
މި ބައްދަލުކުރެއްވުމުގައި، ރާއްޖޭގައި މިހާރު ހިނގަމުންދާ އަދި ކުރިއަށް ރޭވިފައިވާ ވޯލްޑްބޭންކުގެ މަޝްރޫޢުތަކާއި ޕްރޮގްރާމްތަކާ ބެހޭގޮތުން މަޝްވަރާކުރެވުނެވެ. އަދި މި މަޝްރޫޢުތައް އަވަސް ކުރުމަށްޓަކައި އެޅިދާނެ ފިޔަވަޅުތަކާ ބެހޭގޮތުންވެސް ދެފަރާތުން މަޝްވަރާކުރެއްވިއެވެ.
މިނިސްޓަރ ތާރިޤް އިބްރާހީމްއާއެކު ބޭއްވުނު މި ބައްދަލުކުރެއްވުމަކީ، ވޯލްޑްބޭންކުގެ އައު ކަންޓްރީ މެނޭޖަރގެ ހައިސިއްޔަތުން މިސްޓަރ ސަރގްސްޔަން ކުރެއްވި އިޙްތިރާމުގެ ޒިޔާރަތެކެވެ. މި ބައްދަލުކުރެއްވުމުގައި ރާއްޖެއާއި ވޯލްޑްބޭންކާ ދެމެދު އޮތް ގުޅުން އިތުރަށް ބަދަހިކުރުމަށް މަގުފަހިވާނެ ކަމަށް ބެލެވެއެވެ.
މި ބައްދަލުކުރެއްވުން ބޭއްވުނީ މިނިސްޓްރީ އޮފް ކުލައިމެޓް ޗޭމްޖް އެންވަޔަރަމެންޓް އެންޑް އެނާރޖީގައި އިއްޔެގެ ވަގުތެއްގައެވެ.
