ސްޕެޝަލް ކޮންސްޓެބުލަރީ ފުލުހުންގެ ބޭސިކް ޓްރެއިނިންގ ކޯސް 3 ނިންމުމުގެ ރަސްމިއްޔާތު ބާއްވައިފި

އައިޝަތު ޝިއުރާ
02 Sep 2024
ހަބަރު

ސްޕެޝަލް ކޮންސްޓެބުލަރީ ބޭސިކް ކޯސް-3 ފުރިހަމަކުރި ފަރާތްތަކަށް ސެޓްފިކެޓް ދިނުމުގެ ރަސްމިއްޔާތު ބާއްވައިފިއެވެ.

ސާޖަންޓް އާދަމް ހަލީމް ކްރިމިނަލް އިންވެސްޓިގޭޝަން ބިލްޑިންގގައި މިއަދު ބޭއްވި މި ރަސްމިއްޔާތު ޝަރަފުވެރި ކޮށްދެއްވީ ޑެޕިއުޓީ ހެޑް އޮފް އޮޕަރޭޝަނަލް ސަޕޯޓް ކޮމާންޑް އެސިސްޓެންޓް ކޮމިޝަނަރ އޮފް ޕޮލިސް ޔޫނުސް ޞޮބާޙެވެ. ރަސްމިޔާތު ޝަރަފުވެރިކޮށްދެއްވައި އެސިސްޓެންޓް ކޮމިޝަނަރ ދެއްކެވި ވާހަކަފުޅުގައި، ފުލުހުންގެ މުއައްސަސާ ކުރިއެރުވުމަށާއި މުވައްޒަފުން ބިނާކުރުމަށް ކޮމިޝަނަރ އޮފް ޕޮލިސް ޢަލީ ޝުޖާއު ކުރައްވަމުން ގެންދަވާ މަސައްކަތްތައް ފާހަގަކުރައްވައި، އެމަނިކުފާނަށް ޝުކުރު އަދާކުރެއްވިއެވެ.

މީގެއިތުރުން، ސްޕެޝަލް ކޮންސްޓެބުލަރީއަކީ ދިވެހި ފުލުހުންގެ ޚިދުމަތުގައި މުހިންމު ދައުރެއް އަދާކުރާ ބައެއްކަމަށާއި، އެފަރާތްތައް ތަމްރީނުކުރުމަށް މިހާރުގެ ލީޑަރޝިޕުން ގިނަގުނަ މަސައްކަތްތަކެއް ކުރައްވަމުން ގެންދަވާކަން އެސިސްޓެންޓް ކޮމިޝަނަރ ފާހަގަކުރެއްވިއެވެ. އަދި ތަމްރީނު ފުރިހަމަކުރި ބައިވެރިންނަށް އަމާޒުކުރައްވައި، މަސައްކަތުގައި ނަމޫނާ ބަޔަކަށްވުމަށާއި، ތަމްރީނުގައި ދަސްކުރި ކަންކަން އަމަލީ މައިދާނުގައި ޕްރޮފެޝަނަލްކޮށް ބޭނުންކުރުމަށާއި، ހިދުމަތް ލިބިގަންނަ ފަރާތްތަކަށް އޯގާތެރިކަމާއި އިހުތިރާމާއެކު ހިދުމަތް ފޯރުކޮށްދިނުމަށް އިލްތިމާސްކުރެއްވިއެވެ.

މި ތަމްރީނު ޕްރޮގްރާމުގައި ޖުމުލަ 20 ސްޕެޝަލް ކޮންސްޓެބުލަރީ ފުލުހުން ބައިވެރިވިއެވެ. އޭގެ ތެރެއިން 16 ސްޕެޝަލް ކޮންސްޓެބުލަރީ ފުލުހުން ވަނީ ކޯސް ފުރިހަމަކޮށް ސެޓްފިކެޓް ހާސިލުކޮށްފައެވެ. ކޯހުން އެންމެ މޮޅު ނަތީޖާ ހޯދައި، އެއްވަނައަށް ހޯދާފައިވަނީ ސްޕެޝަލް ކޮންސްޓެބުލަރީ ކޮންސްޓަބަލް އަޙްމަދު ސަދާނެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު