ދެމެހެއްޓެނިވި މަސްވެރިކަމާ ބެހޭ ހޭލުންތެރިކަން އިތުރުކުރުމުގެ ޕްރޮގްރާމް ނިންމާލައިފި

އައިޝަތު ޝިއުރާ
02 Sep 2024
ހަބަރު

ލ. އަތޮޅުގައި އެންދެރި ޕްރޮޖެކްޓް ގެ ތެރެއިން ކުރިއަށް ގެންދިޔަ ދެމެހެއްޓެނިވި މަސްވެރިކަމާ ބެހޭ ހޭލުންތެރިކަން އިތުރުކުރުމުގެ ޕްރޮގްރާމް މި ހަފްތާގައި މޯލްޑިވްސް ރެސިލިއެންޓް ރީފްސް އިން ނިންމާލައިފިއެވެ.

މި ޕްރޮގްރާމްގެ އެންމެ ފަހު ސެޝަން ބޭއްވުނީ ލ. މާމެންދޫ ސްކޫލުގެ ދަރިވަރުންނަށް އަމާޒުކޮށްގެންނެވެ. މި ސެޝަންގައި 19 ދަރިވަރުން ބައިވެރިވިއެވެ.

މި ޕްރޮގްރާމްގެ ކުރީގެ ސެޝަންތަކުގައި ވަކިވަކިން އަމާޒުކުރެވުނީ ކަނޑު މަސްވެރިންނާއި ފަރުމަސްވެރިންނަށާއި، މަސް ޕްރޮސެސްކުރާ ފަރާތްތަކަށެވެ. މީގެ ތެރޭގައި ލ. މާންދޫ ފިޝަރީޒް ކޮމްޕްލެކްސްއަށް ޒިޔާރަތްކޮށް، މަސް ޕްރޮސެސްކުރުމުގައި ސާފުތާހިރުކަމާއި ކާބޯތަކެތީގެ ރައްކާތެރިކަން ކަށަވަރުކުރާނެ ގޮތްތައް ދައްކައިދިނުން ހިމެނެއެވެ.

މި ސެޝަންތަކުގައި މަސްވެރިކަން ރައްކާތެރިކުރުމާ ގުޅޭ ތަފާތު ގިނަ މައުޟޫތަކެއް ހިމެނުނެވެ. މީގެ ތެރޭގައި ދުނިޔޭގެ މަސްވެރިކަމުގެ ޙާލަތާއި، ގުޅުންހުރި ރާއްޖޭގެ ޤާނޫނުތަކާއި ޤަވާއިދުތަކާއި އެ ޤާނޫނުތަކާއި ޤަވާއިދުތައް އެކުލަވާލެވިފައިވާ ސަބަބުތަކާއި، އަދި މަސްވެރިންނަށް ދެމެހެއްޓެނިވި ގޮތެއްގައި މަސައްކަތްކުރުމަށް އެހީތެރިވެދޭނެ ޒަމާނީ ޓެކްނޮލޮޖީތައް ހިމެނެއެވެ.

މި ޕްރޮގްރާމަކީ ރާއްޖޭގެ މަސްވެރިކަމުގެ ދާއިރާ ދެމެހެއްޓެނިވި ގޮތެއްގައި ކުރިއެރުވުމަށް މޯލްޑިވްސް ރެސިލިއެންޓް ރީފްސް އިން ކުރަމުންދާ މަސައްކަތްތަކުގެ ތެރެއިން އެއް މަސައްކަތެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު