އެމްއެންޔޫ އިން ދިރާސާކުރުމާއި ފޮތް ލިޔުމަށް ބޭނުންވާ މާލީ އެހީ ދީފި

އައިޝަތު ޝިއުރާ
02 Sep 2024
ހަބަރު

ދިވެހިރާއްޖޭގެ ޤައުމީ ޔުނިވާސިޓީ (އެމްއެންޔޫ) އިން އެކި ދާއިރާތަކުގައި ދިރާސާކުރާ ފަރާތްތަކާއި ފޮތް ލިޔުއްވާ ފަރާތްތަކަށް ބޭނުންވާ މާލީ އެހީތެރިކަން ދެއްވައިފިއެވެ.

ދިރާސާކުރާ ފަރާތްތަކާއި ފޮތް ލިޔާ ފަރާތްތަކަށް ޚާއްސަކޮށް އެމްއެންޔޫގައި ބޭއްވި ދެ ރަސްމިއްޔާތުގައި، މަލީ އެހީ ޙަވާލުކޮއްދެއްވީ އެ ޔުނިވާސިޓިގެ ވައިސް ޗާންސެލަރ، ޑރ. އައިޝަތު ޝެހެނާޒް އާދަމެވެ.

"އެމްއެންޔޫ ރިސާޗް ގްރާންޓްސް އެވޯޑިންގ ސެރެމޮނީ 2024"ގެ ނަމުގައި ބޭއްވި ރަސްމިއްޔާތުގައި، ކ.ތިލަފުށީގައި މައިކްރޯޕްލާސްޓިކްގެ ސަބަބުން ކަނޑުގެ ދިރުމާއި ތިމާވެއްޓަށް ކުރާ ނޭދެވޭ އަސަރާއި، ދިވެހިރާއްޖޭގައި ކެންސަރު އިތުރު ވެފައިވާ މިންވަރާއި، އެ ބަލި ޖެހުމަށް ދިމާވާ ސަބަބުތަކާއި، ހއ އަދި ޅ އަތޮޅާއި ދޭތެރޭގައިވާ 7 ރަށުގެ މަސްވެރިކަމާއި، ހުސްބިންތަކާއި އާންމުންނަށް ހުޅުވާލެވިފައިވާ ތަންތަން ދެމެހެއްޓެނިވި އުމްރާނީ ތަރައްޤީ ހޯދުމަށް އަލުން ފަރުމާކުރުމާއި، ޒުވާނުން ދިވެހި ބަހާމެދު ދެކޭގޮތާއި ދިވެހިބަހުގެ ޤާބިލުކަން މިންކުރާގޮތުގެ އިތުރުން މަތީ ތަޢުލީމު ހާޞިލުކުރާ ފިރިހެން ދަރިވަރުންގެ އަދަދު މަދުވާ ސަބަބުތަށް ފަދަ އެތަށް މަޢުލޫއަކާއި ގުޅޭގޮތުން ދިރާސާކުރުމުގެ މަލީ އެހީ ފޯރުކޮއްދެއްވާފައިވެއެވެ.

"އެމްއެންޔޫ ބުކް ރައިޓިންގ ގްރާންޓް އެވޯޑިންގ ސެރެމޮނީ 2024"ގެ ނަމުގައި ބޭއްވި ރަސްމިއްޔާތުގައި ފޮތް ލިޔުއްވަން ބޭނުންވާ އެތަށް ފަރާތަކަށް ވަނީ މާލީ އެހީތެރިކަން ލިބިފައެވެ. ފޮތް ލިޔުމަށް މާލީ އެހީ ލިބުނު ފޮތްތަކުގެ ތެރޭގައި، "އެޕްލައިޑް ބަޔޯމެޑިކަލް ސައިންސް: ޓެކްނީކްސް އެންޑް ޕްރޮޓޮކޯލްސް"، "އެކްސްޕްލޮއިޓޭޝަން އޮފް އާޓިފިޝަލް އިންޓެލިޖެންސް: ޓްރާންސްފޮރމޭޓިވް އެޕްލިކޭޝަންސް އެކްރޮސް ޑިސިޕްލިންސް"، "ވިލުން" އަދި "އަ ބްރީފް އިންޓްރޮޑަކްޝަން ޓު މޯލްޑިވިއަން ކްރިމިނަލް ލޯ" ހިމެނެއެވެ.

ދިވެހިރާއްޖޭގެ ޤައުމީ ޔުނިވާސިޓީ (އެމްއެންޔޫ) އިން އަންނަނީ ދިވެހިރާއްޖޭގެ އެކި ދާއިރާތަކުގައި ދިމާވާ ގޮންޖެހުންތަކާއި ރާއްޖޭގެ ކުރިއެރުމަށް ކުރެވިދާނެ މަސައްކަތްތަކާއި ގުޅޭގޮތުން ދިރާސާކޮށް، ޤައުމުގެ ގޮންޖެހުންތަށް ޙައްލުކުރުމުގެ އިތުރުން ޤައުމު ކުރިއެރުވުމުގެ ޤާބިލްކަންހުރި، އުފެއްދުންތެރި ޖީލެއް ބިނާ ކުރުމަށް ގިނަގުނަ މަސައްކަތްތަކެއް ކުރަމުންނެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު