ރާއްޖެއިން ބެރުން ތަމްރީނު ހޯދުމަށް 20 އިމާމުން ބުރޫނާއީ އަށް ފުރުން -- ފޮޓޯ: އިސްލާމިކް މިނިސްޓްރީ
ރާއްޖެއިން ބެރުން ތަމްރީނު ހޯދުމަށް 20 އިމާމުން ރޭ ބުރޫނާއީ އަށް ފުރައިފިއެވެ.
ރާއްޖޭގެ އިމާމުންނާއި ހަތީބުންނަށް ރާއްޖެއިން ބޭރުން ތަމްރީނު ދޭން މި ސަރުކާރުން ފެށި ޕްރޮގްރާމްގެ ދަށުން 20 އިމާމުން ރޭ ބުރުނާއީ އަށް ފުރައިފިއެވެ.
އިސްލާމިކް މިނިސްޓްރީއިން ހާމަކުރި ގޮތުގައި މި އަހަރު ޖުމްލަ 06 އިމާމުން ރާއްޖެއިން ބޭރަށް ތަމްރީނު ހޯދުމަށް ފޮނުވާފައިވެއެވެ. އަދި މި އަހަރު ތަމްރީނު ހޯދުމަށް 3 ގައުމަކަށް އިމާމުން ތަމްރީން ހޯދުމަށް ފޮނުވާނެ އެވެ. އޭގޮތުން މި އިމާމުންގެ ތަމްރީނު ޕްރޮގްރާމްގެ ދަށުން މިއަހަރު އިންޑޮނޭޝިޔާއާއި މެލޭޝިޔާއާއި ކުވައިތަށް އިމާމުން ދަތުރު ކުރާނެއެވެ.
ރާއްޖޭގެ އިމާމުންނާއި ހަތީބުންނަށް ރާއްޖެއިން ބޭރުން ތަމްރީނު ދޭން މި ސަރުކާރުން ފެށި މި ޕްރޮގްރާމް ގައި އިސްލާމިކް މިނިސްޓްރީގެ އަމަޒަކީ އެއް އަހަރު ތެރޭގައި 700 އިމާމުންނަށް ތަޖުރިބާ އާއި ތަމްރީން ދިނުމެވެ.
އިމާމުންނަށް ހާއްސަކޮށްގެން އިސްލާމިކް މިނިސްޓްރީއިން ގިނަ ޕްރޮގްރާމްތަކެއް އަންނަނީ ހިންގަމުންނެވެ. އެގޮތުން އިސްލާމިކް މިނިސްޓްރީން އިސް ނަގައިގެން މީގެކުރިން ވަނީ އިމާމުން ތާޒާ ކުރުމުގެ ގައުމީ މަޝްރޫއެއް ވެސް އިފްތިތާހުކޮށްފައެވެ.
