ބެންގަލޫރުގައި ދިރިއުޅުއްވާ ބައެއް ދިވެހިންނާ ސަފީރު ބައްދަލުކުރައްވައިފި

އަލީ އަޒްލީފް
06 Sep 2024
ހަބަރު

އިންޑިއާގެ ބެންގަލޫރުގައި ދިރިއުޅުއްވާ ދިވެހިންގެ ތެރެއިން ބައެއް ރައްޔިތުންނާ ދިވެހިރާއްޖެއިން އިންޑިއާއަށް ކަނޑައަޅުއްވާފައި ހުންނަވާ ސަފީރު އިބްރާހީމް ޝަހީބު ބައްދަލުކުރައްވައިފިއެވެ.

ބެންގަލޫރުގައި ހުންނަ ކޮންރެޑް ހޮޓެލްގައި 4 ސެޕްޓެމްބަރ 2024، ގައި ސަފީރު ދިވެހިންނާ ބައްދަލުކުރައްވާފައިވަނީ ކޮންސިއުލަރ ކަންކަމުގައި ދިވެހިން އާންމުކޮން، ހިދުމަތް ހޯދުމަށް ދާންޖެހޭ ބެންގަލޫރުގެ ސަރުކާރުގެ އިދާރާތަކާއި އަދި އެހެނިހެން ކަންކަމުގައި މުއާމަލާތް ކުރަން ޖެހޭ، މުއައްސަސާތަކުގެ އިސްބޭފުޅުންނާ ބައްދަލުކުރެއްވުމަށްޓަކައި ބެންގަލޫރަށް ކުރެއްވި ދަތުރުފުޅުގެ ތެރެއިންނެވެ.

މިގޮތުން މި ބައްދަލުވުގެ ބައިވެރިން ވަނީ ބެންގަލޫރުގައި ދިރިއުޅުއްވާ ދިވެހިންނާއި އެ ސިޓީއަށް އެކި ކަންކަމުގައި ޒިޔާރަތްކުރައްވާ ދިވެހިންނަށް ކުރިމަތިވާ ބައެއް ދަތިތަކުގެ ވާހަކަ އާއި އެ ކަންކަން ހައްލުކުރެއްވުމަށް އެ ބޭފުޅުންނަށް ފެނިވަޑައިގަންނަވާ ލަފާ އާގުޅޭގޮތުން ސަފީރާ މަޝްވަރާ ކުރައްވާފައެވެ.

އަދި ކުރިއަށް އޮތް ތަނުގައި ބެންގަލޫރާއި މައިސޫރުގައި ދިރިއުޅުއްވާ ދިވެހިންނާ ދިއްލީގައި ހުންނަ ހައިކޮމިޝަން ގުޅިގެން މަސައްކަތް ކުރެވޭނެ ގޮތްތަކާ ގުޅޭގޮތުން މަޝްވަރާކުރެއްވިއެވެ.

މި ބައްދަލުވުމުގައި ވާހަކަފުޅު ދައްކަވަމުން ސަފީރު ވަނީ ބެންގަލޫރުގައި ދިރިއުޅުއްވާ ދިވެހިންނަށް ދިމާވާ ދަތިތައް ހައްލުކުރެއްވުމަށްޓަކައި މަސައްކަތް ކުރައްވާނެކަން ހާމަކުރައްވާފައެވެ. މިގޮތުން މިދަތުރުފުޅަކީވެސް އެ މަޤްސަދުގައި ކުރައްވަމުން ގެންދަވާ ދަތުރުފުޅެއް ކަމުގައި ވިދާޅުވިއެވެ.

ހަމައެއާއެކު އިންޑިއާގައި ދިރިއުޅުއްވާ ބޭފުޅުއްނާއި އެކި ކަންކަމުގައި އިންޑިއާއަށް ޒިޔާރަތް ކުރައްވާ ދިވެހިން ހައިކޮމިޝަންގައި ރަޖިސްޓަރ ވެވެޑައިގެންނެވުމުގެ މުހިންމުކަން ސަފީރު ފާހަގަ ކުރެއްވިއެވެ. އަދި ހައިކޮމިޝަންގެ ވެބްސައިޓް މެދުވެރިކޮށް ރަޖިސްޓަރ ވެވަޑައިގެންނެވޭނެ ކަމުގައި ވިދާޅުވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު