މޯލްޑިޗްސް އެކްސްޕޯ

މޯލްޑިވްސް އެކްސްޕޯ 2025 ގެ ވާދަކުރުމަށް ހުޅުވާލާބައިގެ އުޞޫލު އާންމުކޮށްފި

އަލީ ޝާހީން
07 Sep 2024
ހަބަރު

އިގްތިޞާދީ ތަރައްގީއާއި ވިޔަފާރިއާ ބެހޭ ވުޒާރާއާއި ބިޒްނަސް ސެންޓަރ ކޯޕަރޭޝަނާއި ގުޅިގެން އިންތިޒާމުކޮށްގެން އަންނަ އަހަރުގެ މެއިމަހުގެ 23 އިން 31 އަށް ހުޅުމާލޭގައި ބާއްވާ "ދިވެހީންގެ އުފެއްދުންތެރިކަމުގެ މައުރަޒު 2025" (މޯލްޑިވްސް އެކްސްޕޯ 2025)ގެ ވާދަކުރުމަށް ހުޅުވާލާބައިގެ އުޞޫލު އާންމުކޮށްފިއެވެ.

އިޤްތިޞާދީ ތަރައްޤީއާއި ވިޔަފާރިއާ ބެހޭ ވުޒާރާއިން ގެޒެޓް ކޮށްފައިވާ މިއުޞޫލުގައިވާގޮތުން ވާދަކުރުމުގެ ބައިގައި އަމިއްލަ ފަރުދުންނާއި، ކުންފުނިތަކާއި ވިޔަފާރިތަކާއި، ރަށްތަކާއި، ސިޓީތަކާއި، ތަޢުލީމުދޭ މަރުކަޒުތަކާއި އަދި ޚާއްޞަ އެހީއަށް ބޭނުންވާ ފަރާތްތަކަށް ބައިވެރިވެވޭނެއެވެ.

މައުރަޒުގެ ބައިތަކަށް އިންސާފުކުރުމުގައިވެސް އެމިނިސްޓްރީން ޢަމަލުކުރާނެ ގޮތުގެ މިއުޞޫލު، 18 އޯގަސްޓް 2024 ވަނަ ދުވަހު ދިވެހި ސަރުކާރުގެ ގެޒެޓް ގައި ސާއިއުކުރައްވާފައިވެއެވެ. މިއުސޫލަށް ބަލާލާއިރު މަޢުރަޒު ބޭއްވެވުމުގެ މަޤްޞަދާއި މަޢުރަޒުގެ ވާދަކުރުމުގެ ބައި ކުރިއަށް ގެންދިއުމުގައި ޢަމާލުކުރާނެ ގޮތްތަކާއި، މަޢުރަޒުގައި ދެވޭނެ ވަނަތަކުގެ ތަފްސީލު ހާމަކުރައްވާފައިވެއެވެ.

މީގެ އިތުރުން އިންސާފުކުރުމުގައި ބަލާނެ އާންމު ބައިތަކާއި މައުރަޒުގެ ގިންތިތައް އަދި 2025 ވަނަ އަހަރު ބޭއްވޭ މަޢުރަޒުގެ 15 މައިގަޑުބައިގެ 81 ގިންތީގެ މަޢުލޫމާތުތައް މައުރަޒު އުޞޫލުގެ ޖަދުވަލު 1 ގައި ވަރަށް ތަފްސީލުކޮށް ބަޔާންކުރައްވާފައިވެއެވެ.

މައުރަޒުގައި ބައިވެރިވެވޭ 81 ގިންތީގެ މައިގަނޑު ބައިތައް 15 ބަޔަކަށް ބައްސަވާލައްވާފައިވާ އިރު އޭގެ ތެރޭގައި އަތްތެރި މަސައްކަތް، ދަނޑުވެރިކަން، މަސްވެރިކަން، ދަތުރުފަތުރު، އިމާރާތްކުރުން، އިންފޮމޭޝަން އެންޑް ކޮމިއުނިކޭޝަން ޓެކްނޮލޮޖީ، އުފެއްދުންތެރި ކުރެހުމާއި ފަރުމާކުރުން (ކްރިއޭޓިވް އާޓްސް އެންޑް ޑިޒައިން) ފެޝަން އެންޑް ޑިޒައިން، ޖުވެލަރީ އެންޑް އެކްސަސަރީޒް، ހަކަތަ (އެނަރޖީ)، ކާބޯތަކެތި، މެޝިނަރީ އެންޑް އިކްއިޕްމަންޓްސް، ލަކުޑީގެ އުފެއްދުންތައް، ބަހުގެ އުފެއްދުންތައް، އަދި އެހެނިހެން މައިގަޑުބައި ހިމެނެއެވެ. މިދެންނެވި ކޮންމެ މައިގަނޑުބައެއްގައި އެތައް ގިންތިއެއް ހިމެނޭއިރު، އުފެއްދުންތެރިންނަށް މައުރަޒުގެ ވާދަކުރުމުގެ ބައިގައި ޖުމްލަ 81 ގިންތިއެއްގައި ތަކެތި ބައިވެރިކުރުމުގެ ފުރުޞަތު ލިބިގެންދާނެއެވެ.

ވާދަކުރުމުގެ ބައިގެ އިތުރުން، މި މައުރަޒުގައި ކްރިއޭޓިވް އިކޮނޮމީ ޑިސްޓްރިކްޓަކާއި، ޑިޖިޓަލް އެންޑް އިނޮވޭޓިވް ޑިސްޓްރިކްޓަކާއި، އެންޓަޓެއިންމަންޓް ޑިސްޓްރިކްޓް އަދި މާރކެޓް ޕްލޭސް ޑިސްޓްރިކްޓެއް ހިމެނޭނެއެވެ. ހަމަ އެއާއެކު އާ އީޖާދުތައް ކުރާ ފަރާތްތަކަށް ހިތްވަރުދިނުމުގެ ގޮތުން ކަނޑައެޅޭ އުސޫލެއްގެ ތެރެއިން، ރިސާރޗް ގްރާންޓް ފަންޑުން އެހީތެރިކަން ދިނުމަށް ހަމަޖެހިފައިވެއެވެ. މީގެ އިތުރުން، ކުރިއަރާފައިވާ ޤައުމުތަކުގެ އީޖާދީ މަސައްކަތްތައް ދައްކާލުމަށްވެސް ހަމަޖެހިފައިވެއެވެ.

ދިވެހިރާއްޖޭގެ އުފެއްދުންތެރިކަން އިތުރުކޮށް ވިޔަފާރި ފުޅާކުރުމުގެ މަޤްޞަދުގައި ވިޔަފާރިއާއި އުފެއްދުންތެރިކަމަށް އަމާޒުކޮށް މަޢުރަޒެއް ބޭއްވުމަށް ވަޒީރުންގެ މަޖިލީހުގެ ލަފާފުޅާއެކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ނިންމަވާފައިވަނީ މިއަހަރުގެ މޭމަހުގެ ތެރޭގައެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު