ގަވަރުނަރު އަލީ ހާޝިމް

ގަވަރުނަރުކަމުން ހާޝިމް ވަކިކުރަން މާލިއްޔަތު ކޮމިޓީން ނިންމައިފި

އައިޝަތު ޝިއުރާ
17 Jul 2024
ހަބަރު

އެމްއެމްއޭގެ ގަވަރުނަރު އަލީ ހާޝިމް މަގާމުން ވަކިކުރަން ރައީސުލްޖުމްހޫރިއްޔާ ޑރ މުހައްމަދު މުއިއްޒަށް ލަފާއެރުވުމަށް މާލިއްޔަތު ކޮމިޓީން ފާސްކޮށްފިއެވެ.

ގަވަރުނަރުކަމުގެ މަގާމުން ހާޝިމް ވަކިކުރަން ހުށަހެޅުއްވީ މަޖިލީހުގެ ނައިބު ރައީސް އަހުމަދު ނާޒިމްއެވެ.

ކޮމިޓީން ވަނީ ގަވަރުނަރުކަމުން ހާޝިމް ވަކިކުރަން ހުށަހަޅާފައިވާ ކަންކަމަށް ޖަވާބުދާރީވުމަށް ކޮމިޓީއަށް ވަޑައިގަތުމަށް ދައުވަތު އަރުވާފައެވެ. ފަސް ދުވަހުގެ މުއްދަތެއް ދިނުމަށްފަހު ކޮމިޓީ ބައްދަލުވުންތައް ކުރިޔަށްގެންގޮސްފައިވާއިރު ގަވަރުނަރު އާލާސްކަންފުޅާ އުޅުއްވާތީ އެބައްދަލުވުންތަކަށް ވަޑައިގަންނަވާފައެއްނުވެއެވެ. ޖެހިޖެހިގެން ތިން ދުވަހު ކޮމިޓީ ބައްދަލުވުން ތާވަލުކޮށް ގަވަރުނަރަށް ޖަވާބުދާރީ ވުމުގެ ފުރުސަތު ވަނީ އަރުވާފައެވެ. ނަމަވެސް ގަވަރުނަރު އާލާސްކަންފުޅާ އުޅުއްވާތީ އެއިން އެއްވެސް ބައްދަލުވުމަކަށް ވަޑައިނުގަންނަވައެވެ.

އަދި މިއަދު ކުރިޔަށްދިޔަ މިކަމާއި ގުޅޭ ތިން ވަނަ ބައްދަލުވުމަށް ގަވަރުނަރު ވަނީ ގަވަރުނަރުގެ މަގާމުން ހާޝިމް ވަކިކުރަން ކޮމިޓީން ހުށަހެޅި ކަންކަމަށް 14 ސަފްހާގެ ސިޓީއަކުން ލިޔުމުން ޖަވާބު ފޮނުއްވާފައެވެ. އަދި އިތުރު ކަމެއް ކޮމިޓީން ސާފުކުރަން ބޭނުންވާނަމަ އެކަމެއްވެސް ލިޔުމުން އެންގެވުމުން އެކަމަކަށް ލިޔުމުން ޖަވާބު ދެއްވާނެކަމަށް ގަަވަރުނަރު ފޮނުއްވި ސިޓީގައި ބަޔާންކޮށްފައިވާކަމަށް ކޮމިޓީގެ މުގައްރިރު ގާސިމް އިބްރާހީމް ވިދާޅުވިއެވެ.

އެހެންކަމުން ކޮމިޓީގެ ބައްދަލުވުމުގައި ގާސިމް ވަނީ އިތުރުކަމެއް ސާފުކުރުމަށް ގަވަރުނަރަށް ސިޓީ ފޮނުވުމަށް ފެނޭތޯ ވޯޓު އައްސަވާފައެވެ. އެކަމަށް ނެގުނު ވޯޓުގައި މެމްބަރުން ވޯޓު ދެއްވީ އިތުރުކަމެއް ސާފުކުރުމަށް ގަވަރުނަރަށް ސިޓީ ފޮނުވަން ނުފެންނަކަމަށެވެ.

އަދި އެއަށްފަހު ގަވަރުނަރުކަމުން ހާޝިމް ވަކިކުރަން ހުށަހެޅިފައިވާ ހުށަހެޅުމަށް ކޮމިޓީގެ މެމްބަރުންގެ އިއްތިފާގުން ވަނީ ފާސްވެފައެވެ. އެހެންކަމުން މަޖިލީހުން ދެން ރައީސަށް ލަފާ އަރުވާނީ ގަވަރުނަރުކަމުން ހާޝިމް ވަކިކުރުމަށެވެ.

އެމްއެމްއޭގެ ގާނޫނު ބުނާގޮތުން އެއޮތޯރިޓީގެ ގަވަރުނަރާއި ޑެޕިޔުޓީ ގަވަރުނަރު މަގާމަށް އައްޔަނުކޮށް ވަކިކުރާނީ ރައްޔިތުންގެ މަޖިލީހުގެ ލަފާގެ މަތިން ރައީސުލްޖުމްހޫރިއްޔާއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު