ތިމާވެށީގެ މަޝްރޫއުތަކަށް އީޔޫއިން 110 މިލިއަން ރުފިޔާގެ އެހީއެއް

އައިޝަތު ޝިއުރާ
07 Sep 2024
ހަބަރު

ޔޫރަޕިއަން ޔޫނިއަން (އީޔޫ) އިން ތިމާވެށީގެ މަޝްރޫއުތަކަށް 7.16 މިލިއަން ޑޮލަރު ދޭނެ ކަމުގެ ޔަގީންކަން އިންޓަނޭޝަނަލް ޔޫނިއަން ފޯ ކޮންޒަވޭޝަން އޮފް ނޭޗާ (އައިޔޫސީއެން) ގެ ޑިރެކްޓަރު ޖެނެރަލް ގްރެތެލް އަގިލާ ދެއްވާފައިވާކަން މިނިސްޓަރު އޮފް ކްލައިމެޓް ޗޭންޖް، އެންވަޔަރަންމަންޓް، އެންޑް އެނާޖީ ޠާރިޤު އިބްރާހިމް އިއުލާން ކުރައްވައިފި އެވެ.

މި ޔަގީންކަން ދެއްވާފައިވަނީ އައިޔޫސީއެން އިން އިންތިޒާމްކޮށްގެން ބާއްވާ އާރުސީއެފް 2024 އޭޝިއާ ފޯރަމްގެ ތެރެއިން މިނިސްޓަރާއި އައިޔޫސީއެންގެ ޑިރެކްޓަރު ޖެނެރަލްއާ ދެމެދު ބޭއްވި ބައްދަލުވުމެއްގެ ތެރެއިން ނެވެ.

އެބޭފުޅުންގެ މަޝްވަރާތަކުގައި މިނިސްޓަރު ޠާރިޤު ވަނީ ގްލޯބަލް އެންވަޔަރަންމަންޓް ފެސިލިޓީ (ޖީއީއެފް) އިން 162،000 ޑޮލަރުން ފައިސާ ހޯދައިގެން އައިޔޫސީއެންގެ އެހީގައި ރާއްޖޭގައި މިހާރު ހިންގަމުންދާ ތިމާވެށީގެ މަޝްރޫއުތަކަށް އަލިއަޅުވާލައްވާފަ އެވެ.

މިބައްދަލުވުމުގައި އައިޔޫސީއެން އާއި ގުޅިގެން ކުރިއަށް އޮތް މަޝްރޫއުތަކުގެ ވާހަކަވެސް ވަނީ ދައްކަވާފަ އެވެ. އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުންކުރުން މަދުކުރުމަށާއި ތިމާވެށި ހިމާޔަތްކުރުމަށް އަމާޒުކޮށްގެން ކުރިއަށްގެންދާ މަސައްކަތްތަކަށް އީޔޫއިން ވަނީ 6.5 މިލިއަން ޔޫރޯ ކަނޑައަޅާފަ އެވެ. މި މަޝްރޫއުތައް ފެށުމަށް ހަމަޖެހިފައިވަނީ އަންނަ އަހަރު އެވެ.

މިނިސްޓަރު ޠާރިޤު ވަނީ ތިމާވެށްޓަށް ލިބޭ ގެއްލުން ކުޑަކުރުމަށް ތަފާތު ފިޔަވަޅުތައް އަޅުއްވަމުންދާ ކަމަށާއި އޭގެ ތެރޭގައި އެއްފަހަރު ބޭނުންކުރާ ޕްލާސްޓިކް ބޭނުންކުރުން ހުއްޓުވުމަށް ކުރާ މަސައްކަތްތައް ހިމެނޭ ކަމަށް ފާހަގަކުރައްވާފަ އެވެ. އައްސޭރިފަށުް ގިރުމުގެ މައްސަލަ ހައްލުކުރުމަށް އަމާޒުކޮށްގެން ގޮނޑުދޮށް ހިމާޔަތްކުރުމާއި ތިމާވެށި ހިމާޔަތްކުރުމުގެ ބައެއް މަޝްރޫއުތަކާ އެކު ގަސް އިންދުމުގެ އިސްނެގުމެއް ވެސް މި ސަރުކާރުން ވަނީ ފަށާފަ އެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު