އައިސީޓީ މާސްޓަރ ޕްލޭން 2 ގެ ރިވިއު މިޝަން ކުރިއަށްގެންގޮސްފި

އައިޝަތު ޝިއުރާ
08 Sep 2024
ހަބަރު

އައިސީޓީ މާސްޓަރ ޕްލޭން 2 ގެ ރިވިއު މިޝަން ކުރިއަށްގެންގޮސްފިއެވެ.

މި ރިވިއު މިޝަން ކުރިއަށްދިޔައީ މިނިސްޓްރީ އޮފް އެޑިޔުކޭޝަނާއި ޔުނިސެފް އަދި ޔުނެސްކޯ ގުޅިގެންނެވެ.

މި ރިވިއު ކުރިއަށް ގެންގޮސްފައިވަނީ ޑިޖިޓަލް ކޮމްޕިޓެންސް އެންޑް ލީޑަރޝިޕް، ޑިޖިޓަލް އެޑިޔުކޭޝަނަލް ރިސޯސް، އިންފްރާސްޓްރަކްޗަރ އެންޑް ކަނެކްޓިވިޓީ، އަދި އެޑިޔުކޭޝަނަލް ޑޭޓާ މެނޭޖްމަންޓާއި ސިސްޓަމް ޑިވެލޮޕްމަންޓަށް ބިނާކޮށެވެ. އަދި މި މާސްޓަރ ޕްލޭންގެ ދަށުން ކުރިއަށްދިޔަ ޕްރޮޖެކްޓްތައް ރިވިއުކޮށް، ރާއްޖޭގެ ތަޢުލީމީ ލަނޑުދަނޑިތަކާ އެއްގޮތްވޭތޯ ބަލާފައިވެއެވެ. މީގެ އިތުރުން މި ޕްލޭން ތަންފީޒުކުރުމުން ލިބުނު ފިލާވަޅުތައް ދެނެގަނެ، އޭގެ އަލީގައި ކުރިއަށް އޮތް މާސްޓަރ ޕްލޭން އެކުލަވާލުމަށް ބޭނުންވާ މުހިންމު މަޢުލޫމާތުތައް އެއްކުރެވިފައިވެއެވެ.

2021 ވަނަ އަހަރު ތަޢުލީމުގެ ޤާނޫނު ތަންފީޒުކުރަން ފެށުމާއެކު، ތަޢުލީމީ ނިޒާމުގެ ތެރެއަށް އައިސީޓީ ހިމެނުމުގެ ބޭނުންތެރިކަން ވަނީ ފާހަގަކުރެވިފައެވެ. މީގެ އިތުރުން ދިވެހިރާއްޖޭގެ ސްކޫލުތަކުގައި ދެވޭ ތަޢުލީމުގެ ފެންވަރު ރަނގަޅުކޮށް، ތަޢުލީމީ ނިޒާމުގެ ތެރޭގައި އައިސީޓި ހިމެނުމަށް ސްޓްރެޓެޖިކް އެކްޝަން ޕްލޭން (ސެޕް) އަދި ނޭޝަނަލް ރެސިލިއެންސް އެންޑް ރިކަވަރީ ޕްލޭން (އެން.އާރް.އާރް) ގައި ވެސް ވަނީ ބާރުއަޅާފައެވެ.

އައިސީޓީ މާސްޓަރ ޕްލޭން 2 (2021-2024) އަކީ އައިސީޓީ ބޭނުންކޮށްގެން އުނގެނުމާއި އުނގަންނައިދިނުން ކުރިއަށްގެންދާއިރު، އެކަންކަން މޮނިޓަރކޮށް އިވެލުއޭޓްކުރެވޭނެ ގޮތްތަކެއް ކަނޑައެޅުމަށްޓަކައި ޔުނިސެފް އަދި ޔުނެސްކޯގެ އެހީތެރިކަމާއެކު އެކުލަވާލެވުނު ޕްލޭންއެކެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު