އިސްލާމީ ކަންތައްތަކާ ބެހޭ ވުޒާރާއިން ކުރިއަށް ގެންދާ ދީނީ ޖަމްޢިއްޔާތަކުގެ އަހަރީ ބައްދަލުވުން މި މަހުގެ 15 ވަނަ ދުވަހު ބޭއްވުމަށް ޓަކައި ތައްޔާރުވެއްޖެއެވެ.
ޖަމްޢިއްޔާތަކުގެ އަހަރީ ބައްދަލުވުމަކީ އިސްލާމީ ކަންތައްތަކާ ބެހޭ ވުޒާރާއާއި ރާއްޖޭގައި ދީނީ ހަރަކާތްތައް ހިންގާ ޖަމްޢިއްޔާތައް ގުޅިގެން ދިވެހިރާއްޖޭގައި ދީނީ ދަޢުވަތުގެ ކަންކަން އެންމެ ކާމިޔާބު ގޮތެއްގައި ކުރިއަށް ގެންދެވޭނެ ގޮތްތަކާ މެދުގައި މަޝްވަރާކުރުމަށް ޓަކައި ބާއްވާ ބައްދަލުވުމެކެވެ. މި ބައްދަލުވުމުގައި އޮންލައިންކޮށް ވެސް ބައިވެރިވެވޭނެ އިންތިޒާމް ހަމަޖައްސާ ގޮތަށް ވެސް ވަނީ ހަމަޖެހިފައެވެ.
ޖަމްޢިއްޔާތަކުގެ އަހަރީ ބައްދަލުވުމުގައި ބައިވެރިވާން މިހާރުވެސް ރާއްޖޭގެ އެކި ޖަމްޢިއްޔާތަކުން ޝައުޤުވެރިކަން ފާޅުކޮށްފައިވާ އިރު، އިތުރު ޖަމްޢިއްޔާތަކަށް ވެސް ފުރުސަތުވަނީ ހުޅުވައިލެވިފައެވެ.
ދީނީ އެކި ކަންކަމުގައި މަސައްކަތްކުރާ ފަރާތްތަކާ އެކު ވުޒާރާއިން އަންނަނީ ބައްދަލުވުންތައް ބާއްވަމުންނެވެ. އެ ގޮތުން ޢިލްމުވެރިން އަހަރީ ބައްދަލުވުން ބާއްައިފައިވާ އިރު، ޙައްޖާއި ޢުމްރާއާ ގުޅޭ އަހަރީ ބައްދަލުވުމާއި ޒަކާތާ ގުޅޭ ބައްދަލުވުމެއް ބޭއްވުމަށް ވެސް ވަނީ ނިންމައިފައެވެ.
