އައިޔޫއެމްގެ އައިސީއައިއޭ ކޮންފެރެންސްގައި ބައިވެރިވުމަށް ހުޅުވާލައިފިއި

އައިޝަތު ޝިއުރާ
11 Sep 2024
ހަބަރު

ދިވެހިރާއްޖޭގެ އިސްލާމިކް ޔުނިވާސިޓީ (އައިޔޫއެމް) އިން ބާއްވާ އިންޓަރނޭޝަނަލް އިންޓެލެކްޓުއަލް އެޑްވާންސްމަންޓްސް (އައިސީއައިއޭ)ގައި ރަޖިސްޓްރީވުމުގެ ފުރުސަތު ހުޅުވާލައިފިއެވެ.

ކޮންމެ އަހަރަކުވެސް އައިޔޫއެމްގައި ބާއްވާ މި ކޮންފެރެންސް މިއަހަރު ބޭއްވުމަސް ހަމަޖެހިފައިވަނީ މި ސެޕްޓެމްބަރ މަހުގެ 28 އަދި 29 މި ދެދުވަހުއެވެ.

އައިޔޫއެމްގައި ބޭއްވުމަށް ހަމަޖެހިފައިވާ މި ކޮންފެރެންސްގައި، ކީނޯޓް ސްޕީކާސްގެ ގޮތުގައި ބައިވެރިވުމަށް ހަމަޖެހިފައިވަނީ މަހިޑޯލް ޔުނިވާސިޓީގެ ޕްރޮފެސަރ ޕިލިޕް ހެލިންގަރ، ކެންވަސް ޑޮޓްގެ ފައުންޑަރ އެންޑް ޕްރިންސިޕަލް ކޮންސަލްޓަންޓް، ޓިޗައޯނަރ މެރެވާގެ އިތުރުން އަންކުކް ޔުނިވާސިޓީގެ ޑރ. މަސްޒްލީ މާލިކްއެވެ.

މި ކޮންފެރެންސްގައި، ޕްރޮފެސަރ ފިލިޕް ހަލިންގަރގެ ފަރާތުން، މަތީ ތަޢުލީމުގެ ދާއިރާގައި ދެމެހެއްޓެނިވި ތަރައްޤީ ހޯދުމަށް ކުރަންޖެހޭ މަސައްކަތްތަކާއި، މި މަސައްކަތްތަކުގެ ތެރޭގައި ދިމާވާ ގޮންޖެހުންތަކުގެ އިތުރުން އެ ގޮންޖެހުންތަކުން އަރައިގަތުމަށް އެޅެން ހުރި ފިޔަވަޅުތަކާއި ގުޅޭގޮތުން މަޢުލުމާތު ޙިއްސާކުރައްވާނެއެވެ. ޓިޗައޯނަރ މެރެވާގެ ފަރާތުން މަތީ ތަޢުލީމުގައި އޭއައި ބޭނުންކުރެވިދާނެ ގޮތްތަކާއި އޭއައިގެ ވަސީލަތްތަކާއި މުޤައްރަރުގައި މިފަދަ މާއްދާތަށް ހިމަނާއިރު، ސަމާލުކަން ދޭންޖެހޭކަންތައްތަކާއި ގުޅޭގޮތުން މަޢުލުމާތު ހިއްސާކުރައްވާނެއެވެ. އަދި ޑރ. މަސްޒްލީ މާލިކްގެ ފަރާތުން، އިސްލާމީ ނަޒަރަކުން ދެމެހެއްޓެނިވި ތަރައްޤީ ހޯދުމާއި، އާންމުކޮށް ދިމާވާ ގޮންޖެހުންތަކުން އަރައިގަތުމަށް އިސްލާމީ ނަޒަރަކުން ކުރެވިދާނެ ކަންތައްތަކުގެ މައްޗަށް އަލިއަޅުވާލައްވާނެއެވެ.

މި ކޮންފެރެންސްގައި ބައިވެރިވުމުގެ ސުންގަޑިއަކީ 14 ސެޕްޓެމްބަރ 2024އެވެ.

ކޮންފެރެންސްގައި ބައިވެރިވުމަށް ތިރީގައިވާ ލިންކު މެދުވެރިކޮށް، ގޫގަލް ފޯރމް ފުރިހަމަކުރުމަށްފަހު ރަޖިސްޓަރީ ވެވޭނެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު