ގްލޯބަލް އިސްލާމިކް ފައިނޭންސް އެވޯޑްސް ރާއްޖޭގައި ބާއްވަނީ

އައިޝަތު ޝިއުރާ
13 Sep 2024
ހަބަރު

ގްލޯބަލް އިސްލާމިކް ފައިނޭންސް އެވޯޑްސް މިއަހަރު ރާއްޖޭގައި ބާއްވާ ގޮތަށް ހަމަޖެހިއްޖެއެވެ. 

ގްލޯބަލް އިސްލާމިކް ފައިނޭންސް އެވޯޑްސްއަކީ ދުނިޔޭގެ އެކި ކަންކޮޅުތަކުން އިސްލާމިކް ބޭންކިންގ އަދި ފައިނޭންސް ކުރިއަރުވަން މަސައްކަތް ކުރާ ފަރާތްތަކުގެ އަގު ވަޒަންކޮށް، ކޮންމެ އަހަރަކު ތަފާތު ޤައުމެއްގައި، ބާއްވަމުން އަންނަ އިނާމުދިނުމުގެ ޙަފްލާއެކެވެ. 2011 ގައި ޝަރިއާ އެޑްވައިޒަރީ ފާރމެއް ކަމަށްވާ އެޑްބިޒް ކޯޕަރޭޝަނުން އިސްނަގައިގެން ފެށި މި ހަރަކާތް އަމާޒުކުރެވިފައިވަނީ އެކި ގައުމުތަކުގައި އިސްލާމިކް ބޭންކިންގ އަދި ފައިނޭންސް ދެމެހެއްޓެނެވި ގޮތަކަށް ކުރިއަރުވާ ބަވަނަކުރުމުގައި މަސައްކަތްކުރަމުން އަންނަ ޤައުމުތަކާއި، މުއައްސަސާތަކާއި، ފަރުދުންނަށެވެ. އެގޮތުން މި އަހަރު މި އެވޯރޑްސް ބޭއްވުމަށް ހަމަޖެހިފައިވަނީ ރާއްޖޭގެ ޕެރެޑައިސް އައިލެންޑް ރިސޯޓުގެ ވިލާ ނޮޓިކާ ގައެވެ.

ދިވެހިރާއްޖޭގައި އިސްލާމިކް ފައިނޭންސް ކުރިއަރުވާ އަދި ބޭރުގެ އިންވެސްޓަރުންނަށް މާރކެޓް ކުރުމުގެ އަގުހުރި ފުރުސަތަކަށް މި ޙަފްލާ ވުމުގެ އިތުރުން އެއްތަނަކުން މި ދާއިރާގެ އިލްމީ އަދި ޕްރޮފެޝަނަލް މާހިރުންނާއި އަދި އެހެނިހެން މަސްލަހަތުވެރިންނާއި ގުޅުންބަދަހިކޮށް މުހިއްމު މަޝްވަރާތަކާއި މަޢުލޫމާތު ބަދަލުކުރެވޭނެ މަންސައަކަށްވެގެން ދާނެއެވެ. މި ޙަފްލާގެ ޚާއްސަ މެހުމާނެއްގެ ގޮތުގައި މާލީ ވަޒީރު ޑރ. މުހައްމަދު ޝަފީޤު ބައިވެރިވުމަށް ވަނީ ހަމަޖެހިފައެވެ.

މި ޙަފްލާ ބާއްވާ ޤައުމު އިޚްތިޔާރުކުރެވެނީ އެޤައުމަކުން އިސްލާމިކް މާލީ ނިޒާމުގެ ހަރަކާތްތަކާއި ދާއިރާއިން ހޯދައިފައިވާ ކުރިއެރުންތައް ވަޒަންކޮށް އެކަށޭނެ މިންވަރަކަށް އެގައުމަކުން ކުރިހޯދުމުންނެވެ. މިފަހަރު ދިވެހިރާއްޖޭގައި މި ޙަފްލާ ބޭއްވިގެން ދިޔުމަކީ އިސްލާމިކް ފައިނޭންސިންގެ ދާއިރާއިން ދިވެހިރާއްޖެ ކުރަމުންދާ މަސައްކަތް ދުނިޔަވީ ފެންވަރުގައި ބަލައިގަންނަކަމުގެ ހެއްކެކެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު