ކަސްޓަމަރ ސާވިސް ދައްކުވައިދޭ ފޮޓޯއެއް

ކަސްޓަމަރ ސާވިސްގެ މުޙިއްމުކަން

އަލީ ސައުދު
17 Jul 2024
ރިޕޯޓް

މިލިމުގައި ކަސްޓަމަރ ސާވިސްއަކީ ކޮބައިކަމާއި އެކަން މުހިންމުވާ ސަބަބާއި، ކުރިއަރަމުން އަންނަ ވިޔަފާރިތަކަށް ކަސްޓަމަރ ސާވިސް މުހިންމުވަނީ ކީވެގެންކަން ކިޔައިދެވޭނެއެވެ.   

ކޮންމެ މީހަކަށްވެސް މި ހުނަރުތައް ދަސްކޮށް، ކަސްޓަމަރުންގެ އިޙްތިރާމް ދެމެހެއްޓުމުގެ އިތުރުން މުވައްޒަފުންނާއިއެކު ވަރުގަދަ ގުޅުންތަކެއް ޤާއިމް ކުރެވިދާނެއެވެ. މީގެތެރިއިން ބައެއް ހުނަރުތައް މިހާރުވެސް ހުރުމަކީ އެކަށީގެންވާ ކަމެކެވެ.

ކަސްޓަމަރ ސާވިސްއަކީ ކޮބާ؟

ކަސްޓަމަރ ސާރވިސްއަކީ ކަސްޓަމަރުންނަށް ފޯރުކޮށްދޭ އެހީތެރިކަމެކެވެ. އެމީހުން ތިބާގެ އުފެއްދުންތައް ނުވަތަ ޚިދުމަތްތައް ގަނެ ބޭނުންކުރުމުގެ ކުރިންނާއި ފަހުންވެސް ތިބާގެ އުފެއްދުންތަކާއިއެކު ފަސޭހަ، އުފާވެރި ތަޖުރިބާއެށް ހޯދުމަށް އެހީތެރިވެދޭ ސަޕޯޓެކެވެ. ކަސްޓަމަރ ސާރވިސްއަކީ ހަމައެކަނި ކަސްޓަމަރުންގެ މައްސަލަތައް ހައްލުކޮއްދިނުން ކަމުގައި ދެކެގެން ނުވާއެވެ.

ކަސްޓަމަރ ސާވިސް މުޙިއްމުވަނީ ކީއްވެ؟

ވިޔަފާރިއެއްގައި ކަސްޓަމަރ ސާވިސްގެ ވަރުގަދަ ހުނަރުތަކެއް ހުރުމުން ލިބިގެންދާ ފައިދާތައް ނުހަނު ގިނަވާނެއެވެ. ކަސްޓަމަރުންގެ މުޢާމަލާތްތަކުން އުފެދޭ ނުރަސްމީ ޚިޔާލްތަކަކީ ޕްރޮޑަކްޓް ޑިޒައިންކުރުމަށް ރަނގަޅު ވަސީލަތަކަށް ވެގެންދާނެއެވެ. އިތުރަށް މީހުންގެ އިޙްތިރާމް ލިބިގެންދާ، ތިމާ އަނެކާޔަށް އެހީތެރިވާ އުފާވެރި ގުޅުމެއް އުފެދިގެން ދާނެއެވެ.

1 އެމްޕަތީ

އެމްޕަތީ އަކީ އެހެންމީހެއްގެ ޖަޒްބާތުތަކާއި ނަޒަރިއްޔާތު ދެނެގަތުމުގެ ޤާބިލްކަމެވެ. މިސާލަކަށް ކަސްޓަމަރަކު ޚިދުމަތެއް ހޯދުމަށް އައުމުގެ ކުރިން އެމީހުން ބޭނުންވާނެ ކަންތައްތައް ދެނެގަނެ ޙައްލު ހޯދާފައި ބެހައްޓުމެވެ. އަދި ޚިދުމަތް ހޯދުމުގެ ތެރެއިން ކަސްޓަމަރު ބޭނުންވާނެ ކަންކަން ދެނެގަތުމެވެ.

2 މައްސަލަ ޙައްލުކުރުން

ދިމާވާ މައްސަލަތައް ހައްލުކޮއްދިނުމަކީ ކަސްޓަމަރުންނަށް ފޯރުކޮއްދޭ ޚިދުމަތްތަކުގެ ތަޅުދަނޑިއެވެ. ކަސްޓަމަރެއްގެ މައްސަލައެއް ނުވަތަ ޝަކުވާއެށް އެ ވިޔަފާރިއަކާއި ގުޅިއްޖެނަމަ، އެކަން ދިމާވާ ސަބަބުހޯދައި ތަކުރާރު ނުވާނެގޮތަށް އެކަމަށް ޙައްލުހޯދަންޖެހެއެވެ. ދިމާވި މައްސަލައަށް ޙައްލު ހޯދުމުގައި ކެތްތެރިކަން އިސްކޮށް އިޙްތަރާމް ކުރަން ޖެހޭނެއެވެ. މިކަމަށް ބޭނުންވާ އެކަށީގެންވާ ފަންނާއި، ޢިލްމާއި ހުނަރު ހޯދަން ޖެހޭނެއެވެ.

3 މުޢާމަލާތްކުރުން

މިޒަމާނުގައި މުޢާމަލާތް ކުރުމަކީ ވަރަށް ފުޅާކޮށް ކުރެވޭކަމެކެވެ. ބަހުގެގޮތުން، ލޮލުން، އަޑުއެހުމުން، އިންޓަރނެޓް، ވެބްސައިޓް، އެޕް، ފޯން، ވީޑިއޯ، އީމެއިލް މިއީ މިހާރު މުޢާމަލާތް ކުރުމަށް ބޭނުންކުރާ ވަސީލަތްތަވެ. ފައިދާ ހުރިގޮތަކަށް ހިންގޭ މުޢާމަލާތެއްނަމަ ސައްޙަ، ސާފު، ފުރިހަމަ، ޚުލާސާ އަދި އޯގާތެރިކަން އެކުލެވެން ވާނެއެވެ. ރަނގަޅު މުޢާމާލާތެއްނަމަ ފޮނުވާ މީހާއާއި ލިބޭ މިހާއަށްވެސް ހިތްހަމަޖެހުން ލިބޭނެއެވެ. އަދި ކޮންމެ މައްސަލައަކަށްވެސް ޙައްލު ލިބިގެން ދާނެއެވެ.

4 ސަމާލުކަންދިނުމާއިއެކު އަޑުއެހުން

ކޮންމެ ވާހަކައެއްގައި އަޑުއަހާ މީހަކާއި ވާހަކަ ދައްކާ މީހަކު ބޭނުންވެއެވެ. ކަސްޓަމަރުންގެ ސުވާލުތަކާއި ކަންބޮޑުވުންތަައް އަޑުއަހާ، ދިފާޢީ ވާހަކަ ދެއްކުމަށް ވުރެން ބޮޑަށް، ކަސްޓަމަރުގެ ވާހަކައަށް ޝަޢުގުވެރިކަން ހުރިކަމާއި އެކަން ޙައްލުކޮއްދިނުމަކީ މުޙިއްމު ކަމެއްކަން އިޙްސާސް ކޮއްދެންވާނެއެވެ.

 5 ފަންނީ ޢިލްމު ލިބިފައިވުން

ކޮންމެ ކަމެއްގައިވެސް އޭގެ ޢިލްމު ލިބިފައިވާނަަމަ އެކަން ދެނެގަނެ ހައްލުކުރަން ފަސޭހަވާނެއެވެ. އެގޮތުން ކަސްޓަމަރުންނަކީ ކޮންމެ ވިޔަފާރިއެށްވެސް ކުރިއަރައި ދިއުމުގެ އަސްލެވެ. އަދި ކަސްޓަމަރުން ބްރޭންޑަށް އިތުބާރު ކުރާނަމަ ކާމިޔާބު ވިޔަފާރިއެއްގެ ގޮތުގައި ކުރިޔަށް ދެވޭނެއެވެ. މިކަމައްޓައި ބަސް ދެނެގަތުމާއި، ކަމާއި ގުޅުންހުރި ތަފާތު ކޯސްތަށް ފުރިހަމަކުރުމާއި އެކިއެކި ތަންތަނުގައި ކަންކުރާ ތަފާތުގޮތްތަށް ހޯދައި ބަލައި ދިރާސާކުރުން ހިމެނެއެވެ.

6 ކެތްތެރިވުން

ކަސްޓަމަރުންނާއި މުޢާމަލާތް ކުރާއިރު ކެތްތެރިވުމަކީ އޭގެ ފައިދާކުރާނެ ކަމެކެވެ. ޚާއްސަކޮށް ހިތްހަމަނުޖެހި، ރުޅިގަދަވެފައިވާނަމަ، އޯގާތެރިކަމާއި ހިތްހެޔޮކަން ބޭނުންކުރަން ވާނެއެވެ. ތިބާގެ ޢަމަލާއި ބަސްމަގުގެ ސަބަބުން މައްސަލަ އިތުރަށް ގޯސްވިޔަދީގެން ނުވާނެއެވެ. ކަސްޓަމަރު ރުޅިމަޑުވެ ހަމަޖެހޭ ވަގުތު ތިމާއާއިމެދު ހިތްހަމަ ނުޖެނޭނެކަމެއް ވިޔަދީގެން ނުވާނެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު