އިކޮނޮމިކް މިނިސްޓަރ މުޙައްމަދު ސަޢީދު އައްޑޫސިޓީ ވިޔަފާރިވެރިންނާއި ބައްދަލުކުރެއްވުން

އައްޑޫސިޓީގެ ކުދި އަދި މެދުފަންތީގެ ވިޔަފާރިވެރިންނާ އިކޮނޮމިކް މިނިސްޓަރ ބައްދަލު ކުރައްވައިފި

އަލީ ޝާހީން
14 Sep 2024
ހަބަރު

އައްޑޫސިޓީގެ ކުދި އަދި މެދުފަންތީގެ ވިޔަފާރިވެރިންނާ އިކޮނޮމިކް މިނިސްޓަރ މުޙައްމަދު ސަޢީދު ބައްދަލު ކުރައްވައިފިއެވެ. 

އައްޑޫސިޓީގައި ޙަރަކާތްތެރިވާ ކުދި އަދި މެދުފަންތީގެ ވިޔަފާރިވެރިންނާ މިނިސްޓަރ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑް މުޙައްމަދު ސަޢީދު މިއަދު ބައްދަލު ކުރައްވައިފިއެވެ. މި ބައްދަލުކުރެެއްވުމުގައި އައްޑޫ ސިޓީ ހިމެނޭ ސަރަޙައްދުގައި ޙަރަކާތްތެރިވާ ވިޔަފާރިތަކަށް ހުރި ގޮންޖެހުންތަކާއި، ވިޔަފާރި ހިންގައި ކުރިއެރުވުމަށް ހުރި ދަތިތަކާ ގުޅޭގޮތުން މަޝްވަރާކުރައްވައި އެކަންކަން ޙައްލު ކުރުމަށް ކުރެވެންހުރި ކަންކަމާ ގުޅޭގޮތުން ވިޔަފާރިވެރިންނާއެކު މަޝްވަރާ ކުރައްވައި ވިޔަފާރިވެރިންގެ އެކިއެކި ސުވާލުތަކަށް ވަޒީރުވަނީ ޖަވާބު ދެއްވާފައެވެ. އަދި ރާއްޖޭގެ އިޤްތިޞާދުގައި އެ ސަރަޙައްދުގެ ވިޔަފާރިވެރިންގެ ދައުރު ފުޅާކޮށް ކުރިއަރުންވަން ބޭނުންވާ ކަންތައްތައްވެސް ބައްދަލުވުމުގެ ބައިވެރިން ވަޒީރާ ޙިއްސާ ކުރެއްވިއެވެ.

މީގެއިތުރުން އައްޑޫ ސިޓީ ހިމެނޭ ސަރަޙައްދުގައި ސަރުކާރުން ކުރިއަށް ގެންދަވާ މަޝްރޫޢުތަކާއި ކުރިއަށް އޮތްތަނުގައި ފެއްޓެވުމަށް ރާއްވަވާފައިވާ މަޝްރޫޢޫތަކާބެހޭ މަޢުލޫމާތުވެސް ވަޒީރު ޙިއްސާ ކުރެއްވިއެވެ. އަދި އެމަޝްރޫޢުތަށް އެންމެ އެކަށީގެންވާ ގޮތެއްގައި ހިންގަވައި ކުރިއަށް ގެންދެވޭނެ ގޮތްތަކާމެދުވެސް ވިޔަފާރިވެރިންނާއެކު މަޝްވަރާ ކުރެއްވިއެވެ. އަދި ކުދި އަދި މެދުފަންތީގެ ވިޔަފާރިތައް ކުރިއެރުވުމަށް ކުރަމުންދާ މަސައްކަތުގައި ޤާނޫނީގޮތުން ހުރި ގޮންޖެހުންތައް ބައްލަވައި ވިޔަފާރިތަކަށް ފަހި މާހައުލެއް ހޯއްދަވައި ދެއްވުމަށްޓަކައި ޤާނޫނުތަކަށް ގެންނަން ޖެހޭ ބަދަލުތަކާއި ގުޅޭގޮތުންވެސް ވިޔަފާރިވެރިން ވަނީ ވަޒީރާ މަޝްވަރާ ކުރައްވާފައެވެ.

ބައްދަލުވުމުގައި ބައިވެރިވެވަޑައިގެންނެވި ވިޔަފާރިވެރިންނާ މުޚާޠަބު ކުރައްވައި ވަޒީރު ދެެއްކެވި ވާހަކަފުޅުގައި، ވިޔަފާރިވެރިންނަށް ހުރި ދަތިތައް ހައްލު ކޮށްދެއްވާނެކަމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ވެވަޑައިގެންފައިވާ ވަޢުދުފުޅާ އެއްގޮތަށް ސަރުކާރުން މަސައްކަތް ކޮށްދެެއްވާނެ ކަމުގެ ޔަޤީންކަން ދެއްވިއެވެ. އަދި ސަރުކާރުން އެ ސަރަހައްދުގައި ކުރިއަށް ގެންދިއުމަށް ރާއްވަވާފައިވާ މަޝްރޫއުތައް ވެވަޑައިގެންނެވި އެންމެ އަވަހަކަށް ފަށްޓަވައި އޭގެ މަންފާ ރައްޔިތުންނަށް ލިބޭނެ ގޮތް ފަހިކޮށްދެއްވުމަށް ސަރުކާރުން އިސްކަން ދެއްވާނެކަމަށްވެސް ވަޒީރު މުޙައްމަދު ސަޢީދު ވިދާޅުވިއެވެ.

މިބައްދަލުވުމުގައި މިނިސްޓަރ ސަޢީދުގެ އިތުރުން އެ ވުޒާރާގެ ބައެއް އިސްބޭފުޅުންނާއި، ބިޒްނަސް ސެންޓަރ ކޯޕަރޭޝަންގެ މެނޭޖިންގ ޑިރެކްޓަރ އިބްރާހީމް ޟިޔާޢު މުޙައްމަދާއި ޑެޕިޔުޓީ މެނޭޖިންގ ޑިރެކްޓަރ ސާމިޙް އާދަމްގެ އިތުރުން ރައްޔިތުން މަޖިލީހުގެ ފޭދޫ ދެކުނު ދާއިރާގެ ޢިއްޒަތްރެރި މެންބަރު އިބްރާހީމް ދީދީ ބައިވެރިވެވަޑައިގެންނެވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު