އެނަރޖީ އަދި ކުނި މެނޭޖްކުރުމާ ގުޅޭ ކުރިއަށްދާ މަޝްރޫޢުތަކާ ގުޅޭގޮތުން މަޝްވަރާކުރުމަށް މޫސުމީ ބަދަލުތަކާ ތިމާވެއްޓާ ހަކަތައާއި ބެހޭ ވުޒާރާއިގެ މިނިސްޓަރ އޮނަރަބަލް ޠާރިޤް އިބްރާހީމް ވަނީ ވޯރލްޑް ބޭންކުގެ ޓީމަކާ ބައްދަލުކުރައްވާފައެވެ.
މި ބައްދަލުވުމުގައި، ރާއްޖޭގައި ކުރިއަށްދާ އެނަރޖީ އަދި ކުނި މެނޭޖްކުރުމުގެ މަޝްރޫޢުތަކުގެ މަސައްކަތް ހިނގަމުންދާ ގޮތާއި، ކުރިމަގުގައި މި ދާއިރާތަކުން ހާސިލުކުރަން ބޭނުންވާ ލަނޑުދަނޑިތަކާ ގުޅޭގޮތުން ވަނީ މަޝްވަރާކުރައްވާފައެވެ. މީގެ އިތުރުން، ވޯރލްޑް ބޭންކުން ރާއްޖެއަށް ދެމުންގެންދާ އެހީތެރިކަމާއި އެއްބާރުލުމާ ގުޅޭގޮތުންވެސް ވަނީ ވާހަކަދެއްކެވިއެވެ.
މިނިސްޓަރ ތާރިޤް އިބްރާހީމް ވިދާޅުވީ، "ރާއްޖޭގެ ތިމާވެށި ރައްކާތެރިކޮށް ދެމެހެއްޓުމަށާއި، ތިމާވެއްޓާ ރައްޓެހި ހަކަތަ އުފެއްދުމަށް ކުރެވޭ މަސައްކަތްތަކުގައި ވޯރލްޑް ބޭންކުން ދެއްވާ އެއްބާރުލުމަކީ ވަރަށް މުހިންމު އެއްޗެއް" ކަމަށެވެ.
ރާއްޖޭގެ ތިމާވެށި ރައްކާތެރިކުރުމަށް ކުރެވޭ މަސައްކަތްތަކަށް ވޯރލްޑް ބޭންކުން އެހީތެރިކަން ފޯރުކޮށްދިނުމަށް ތައްޔާރަށް ތިބިކަމަށެވެ.
މި ބައްދަލުވުމަކީ ރާއްޖޭގެ ތިމާވެށި ރައްކާތެރިކުރުމަށާއި، ދެމެހެއްޓެނިވި ގޮތެއްގައި ތަރައްޤީ ހާސިލުކުރުމަށް އިތުރު ފުރުސަތުތަކެއް ހުޅުވިގެންދާނެ ބައްދަލުވުމެއް ކަމަށް ބެލެވެއެވެ.
