ރައްޔިތުންގެ މެދުގައި ދީނީ މަޢުލޫމާތު ފަތުރައި މަޢުލޫމާތު ފޯރުކޮށް ދިނުމަށް ޓަކައި، ކުރިއަށް ގެންަވާ 'ރިސާލަތު'ގެ 623 ޕްރޮގްރާމެއް އިސްލާމީ ކަންތައްތަކާ ބެހޭ ވުޒާރާއިން މިހައިތަނަށް ހިންގައިފިއެވެ. 

މީގެ ތެރޭގައި މަދަރުސާ ކުދީންނަށް ޚާއްޞަކޮށްގެން ހިންގި 162 ޕްރޮގްރާމަކާއި، މުދައްރިސުންނަށް އަމާޒުކޮށްގެން ހިންގި 48 ޕްރޮގްރާމެއް ހިމެނެއެވެ. މީގެ އިތުރަށް ބެލެނިވެރިންނަށް ޚާއްޞަ 71 ޕްރޮގްރާމަކާއި މިސްކިތްތަކުގައި ހިންގުނު 53 ޕްރޮގްރާމަކާއި ޒުވާނުންނަށް ޚާއްސަކޮށްގެން 24 ޕްރޮގްރާމެއް ވަނީ ހިންގާފައެވެ. އަދި 81 މުއައްސަސާއަކާއި ޔުނިވަރސިޓީތަކުގައި ތިން ޕްރޮގްރާމެއް ވަނީ ހިންގާފައެވެ.

މީގެ އިތުރަށް ޖަލުތަކުގައި 7 ޕްރޮގްރާމަކާއި ޚާއްސައެހީއަށް ބޭނުންވާ މީހުންނަށް 18 ޕްރޮގްރާމަކާއި، އަދި ވީޑިއޯ ދަރުސް މެދުވެރިކޮށް 63 ޕްރޮގްރާމެއް ވަނީ ގެނެސްދީފައެވެ.

'ރިސާލަތު' ޕްރޮގްރާމްގެ ދަށުން ދިވެހިބަހުގެ އިތުރަށް އިނގިރޭސި ބަހުން ވެސް ދީނީ ޢިލްމުވެރިންގެ ނަޞޭޙަތްދެއްވުން ބާއްވަވާކަން ފާހަގަކޮށްލެވެއެވެ. 'ރިސާލަތު'ގެ ޕްރޮގްރާމްތަކުގައި މާުލޫމާތު ދެއްވަނީ ދިވެހިރާއްޖޭގެ މަޝްހޫރު ދީނީ ޢިލްމުވެރީންނެވެ.