މިއަހަރުގެ މިހާތަނަށް ރާއްޖޭގެ އެކި ހިސާބުތަކުގައި 9 މިސްކިތެއް ބިނާ ކުރުމަށް ހެޔޮއެދޭ އަމިއްލަ ފަރާތްތަަކަށް އިސްލާމީ ކަންތައްތަކާ ބެހޭ ވުޒާރާއިން ހުއްދަ ދީފިއެވެ.

މި މިސްކިތްތައް ބިނާ ކުރުމަށް އެ ފަރާތްތަކާއެކު އިސްލާމީ ކަންތައްތަކާ ބެހޭ ވުޒާރާއިން ވަނީ އެއްބަސް ވުމުގައި ސޮއި ކުރައްވާފައެވެ. އެގޮތުން މިއަހަރު މިހާތަނަށް ހުއްދަ ދީފައިވާ މިސްކިތްތަކަކީ

1. ފޭސް 2 ގައި މިސްކިތެއް އިމާރާތް ކުރުމަށް

2. ފޭސް 3 ގައި މިސްކިތެއް އިމާރާތް ކުރުމަށް

3. ޒިކުރާ މިސްކިތް ހުރި ބިމުގައި އާ މިސްކިތެއް އިމާރާތް ކުރުމަށް

4. ބަރުބަރީ މިސްކިތް ހުރި ބިމުގައި ޖާގަ ތަނަވަސް އާ މިސްކިތެއް އިމާރާތް ކުރުމަށް

5. ރ. އަލިފުށީގައި މިސްކިތެއް އިމާރާތް ކުރުމަށް

6. ހއ. އިހަވަންދޫގައި މިސްކިތެއް އިމާރާތް ކުރުމަށް

7. ހުޅުމާލެ ފޭސް 2 ލޮޓު 2215 ގައި މިސްކިތެެއް އިމާރާތް ކުރުމަށް

8. ސ. ހުޅުދޫގައި އާ މިސްކިތެއް އިމާރާތް ކުރުމަށް

9. ހދ. ނޮޅިވަރަންފަރުގައި އާ މިސްކިތެއް އިމާރާތް ކުރުމަށް

މީގެ އިތުުރުން އިސްލާމީ ކަންތައްތަކާ ބެހޭ ވުޒާރާގެ ބެލުމުގެ ދަށުން މިހާރުވެސް 22 މިސްކިތެއްގެ މަސައްކަތް ކުރިއަށް ގެންދާކަން ފާހަގަކޮށްލެވެއެވެ. އޭގެ ތެރެއިން 3 މިސްކިތެއްގެ މަސައްކަތް ނިމުމަކާއި ގާތުގައިވާއިރު، ވުޒާރާއިން އަމާޒު ހިފާފައިވަނީ ނޮވެމްބަރު މަހުގެ ކުރިން މި މިސްކިތްތަކުގެ މަސައްކަތްތައް ނިންމުމަށެވެ.