ލޯކަލް ގަވަމަންޓް މިނިސްޓްރީގެ ޕާމަނަންޓް ސެކްރެޓަރީގެ މަގާމަށް ޑރ. ފާތިމަތު މުނާ އައްޔަންކޮށްފި އެވެ.

އޭނަ އެ މަގާމަށް އައްޔަންކުރީ ސިވިލް ސާވިސް ކޮމިޝަން (ސީއެސްސީ) ގައި އޮތް ރަސްމިއްޔާތެއްގަ އެވެެ.

ތަޖުރިބާ ލިބިލައްވައިފައިވާ ބޭފުޅުންގެ ތަޖުރިބާގެ އަލީގައި ސަރުކާރުން ވުޒާރާއާ މަތިކޮށްފައިވާ ޒިންމާތައް ވަޒީރު ބޭނުންފުޅުވެ ލައްވާ ގޮތަށް ޙާޞިލްކޮށްދެއްވުމަށް މަސައްކަތްޕުޅު ކޮށްދެއްވާނެ ކަމަށް އައު ޕަރމަނަންޓް ސެކްރެޓަރީ ޑޮކްޓަރ ފާޠިމަތު މުނާ ވިދާޅުވިއެވެ.

އައު ޕަރމަނަންޓް ސެކްރެޓަރީ މިއަދު ދެއްކެވި ވާހަކަފުޅުގައި އެ ކަމަނާއަށް ލިބިލައްވައިފައިވާ ތަޖުރިބާގެ އަލީގައި ޤާނޫނުން މަތިކޮށްފައިވާ ޒިންމާއާއި، މަސްއޫލިއްޔަތުތައް އެންމެ ފުރިހަމަ ގޮތުގައި އަދާކުރެއްވުމުގައި ސާބިތުވެ ހުންނަވައިނެ ކަމުގައި ވިދާޅުވިއެވެ.