އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ދިވެހިރާއްޖެއަށް އައްޔަނުކުރައްވާފައި ހުންނަވާ ޔުނިސެފްގެ މަންދޫބު ޑރ. އެޑްވަރޑް އައްޑައި އަދި ޔުނިސެފްގެ ޓީމާއި ބައްދަލުކުރައްވަނީ

މިނިސްޓަރ އައިޝަތު ޝިހާމް ޔުނިސެފްގެ މަންދޫބު ޑރ. އެޑްވަރޑް އައްޑައި އާއި ބައްދަލުކުރައްވައިފި

އައިޝަތު ޝިއުރާ
18 Jul 2024
ހަބަރު

އިޖުތިމާޢީ އަދި ޢާއިލީ ތަރައްޤީއާ ބެހޭ ވަޒީރު ޑރ. ޢާއިޝަތު ޝިހާމް ދިވެހިރާއްޖެއަށް އައްޔަނުކުރައްވާފައި ހުންނަވާ ޔުނިސެފްގެ މަންދޫބު ޑރ. އެޑްވަރޑް އައްޑައި އަދި ޔުނިސެފްގެ ޓީމާއި ބައްދަލުކުރައްވައިފިއެވެ.

މި ބައްދަލުވުމުގައި އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއާއި ޔުނިސެފް ގުޅިގެން ކުރަމުން ގެންދާ މަސައްކަތްތަކާއި މިހާރު ކުރިއަށް ގެންދާ މަސައްކަތްތައް އިތުރަށް ހަރުދަނާކުރެވޭނެ ގޮތްތަކާއި ގުޅޭގޮތުން ވަނީ މަޝްވަރާކުރައްވާފައެވެ.

މީގެ އިތުރުން، ޔުނިސެފްގެ އެއްބާރުލުމާއެކު ކުރިއަށްގެންދާ މުހިންމު ޕްރޮގްރާމްތަކުގެ ތެރެއިން، ޑޭޓާބޭސް އަދި ކޭސް މެނޭޖްމަންޓް ސިސްޓަމްގެ އިތުރުން، އިޖުތިމާޢީ ބަދަހި މަދަދުވެރިން (އިބަމަ) އާ ގުޅޭ މަޝްވަރާތައްވަނީ ކުރިއަށްގެންގޮސްފައެވެ.

އަދި މި ޕްރޮގްރާމުތައް ކުރިއަށް ގެންދިއުމުގައި ދިމާވާ ގޮންޖެހުންތައް ހައްލުކުރުމާއެކު، ގުޅިގެން މަސައްކަތްކުރެވިދާނެ އިތުރު ދާއިރާތަކާއި ގުޅޭގޮތުން ވެސް މި ބައްދަލުވުމުގައި ވަނީ މަޝްވަރާކޮށްފައެވެ.

އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ޔުނިސެފާއި ގުޅިގެން ކުރިއަށް ގެންދާ އެކި ޕްރޮގްރާމުތައް ކާމިޔާބު ކަމާއެކު ކުރިއަށް ގެންދިއުމުގައި ދެފަރާތުގެ ބައިވެރުން އޮތުން މުހިންމުކަމާއި ގުޅޭގޮތުން ވަޒީރު ޑރ. ޢާއިޝަތު ޝިހާމް ވަނީ އަލިއަޅުވާލައްވާފައެވެ.

އަދި ހަމައެހެންމެ، ދެ އިދާރާ ގުޅިގެން ކުރެވޭ މަސައްކަތްތައް މެދުނުކެނޑި ކުރިއަށް ގެންދިއުމަށް ދޭންޖެހޭ އެހީތެރިކަން އިޖުތިމާއީ އަދި އާއިލީ ތަރައްގީއާއި ބެހޭ ވުޒާރާއިން ފުރިހަމައަށް ފޯރުކޮށްދެއްވާނެ ކަމުގެ ޔަޤީންކަން ވެސް މިނިސްޓަރ ވަނީ ޔުނިސެފްއަށް ދެއްވާފައެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު