ހއ. އުތީމު ކައުންސިލުން އެންވަޔަރަންމަންޓް މިނިސްޓްރީގެ ސްޓޭޓް މިނިސްޓަރ މުޙައްމަދު ނަޝާތު ރަޝީދާއި މިނިސްޓްރީގެ އިސް ބޭފުޅުންނާއެކު ބައްދަލުވުމުމެއް ބާއްވައިފިއެވެ. މިއަދު ބޭއްވުނު މި ބައްދަލުވުމުގައި އުތީމު ރަށު ކައުންސިލުން ދިމާވެފައިވާ މުހިންމު މައްސަލަތަކާ ގުޅޭގޮތުން މަޝްވަރާކުރެވުނެވެ.
ބައްދަލުވުމުގައި މައިގަނޑު ގޮތެއްގައި މަޝްވަރާކުރެވުނީ ގޮނޑުދޮށް ގިރުމުގެ މައްސަލަ، ކުނި މެނޭޖްކުރުން އަދި ފެނާއި ނަރުދަމާގެ ޚިދުމަތާ ގުޅޭ ކަންކަމެވެ. މި ބައްދަލުވުމުގައި އުތީމު ކައުންސިލުން ފާހަގަކުރި ކަންބޮޑުވުންތަކަށް ޙައްލު ހޯދުމަށް ސަރުކާރުން އެހީތެރިވެދޭނެ ކަމަށް ސްޓޭޓް މިނިސްޓަރ ވިދާޅުވިއެވެ.
ގޮނޑުދޮށް ގިރުމުގެ މައްސަލައަކީ އުތީމަށް ދިމާވެފައިވާ އެންމެ ބޮޑު އެއް މައްސަލަ ކަމަށް ކައުންސިލުން ފާހަގަކުރިއެވެ. މީގެ އިތުރުން ކުނި މެނޭޖްކުރުމުގެ ނިޒާމު ހަރުދަނާކުރުމާއި، ފެނާއި ނަރުދަމާގެ ޚިދުމަތް ފުޅާކުރުމުގެ މުހިންމުކަން ވެސް ކައުންސިލުން ފާހަގަކުރިއެވެ.
މި ބައްދަލުވުމުގައި އުތީމު ކައުންސިލުގެ ރައީސާއި މެންބަރުންގެ އިތުރުން އެންވަޔަރަންމަންޓް މިނިސްޓްރީގެ އިސް ވެރިން ބައިވެރިވެ ވަޑައިގެންނެވިއެވެ. ކައުންސިލުން ހުށަހެޅި މައްސަލަތަކަށް އަވަސް ޙައްލެއް ހޯދުމަށް މަސައްކަތްކުރާނެ ކަމަށް މިނިސްޓްރީން ވިދާޅުވިއެވެ.
