އިސްރާއީލުން ބެއިރޫޓުގައި ހުރި ހިޒްބުﷲގެ ކޮމާންޑަރެއް މަރާލައި، އިތުރު އެއަރ ސްޓްރައިކްތައް ދޭނެކަމަށް ބުނެފި

އަލީ އަޒްލީފް
24 Sep 2024
ދުނިޔެ

ބެއިރޫޓު/ޖެރޫސަލަމް، 24 ސެޕްޓެމްބަރ (ރޮއިޓަރސް) - އަންގާރަ ދުވަހު ބެއިރޫޓުގައި އިސްރާއީލުން ކުރި އެއަރ ސްޓްރައިކެއްގައި ހިޒްބުﷲގެ އިސް ކޮމާންޑަރެއް މަރުވެއްޖެއެވެ.

މިއީ ލުބުނާނުގެ މިލިޓަންޓް ގްރޫޕަށް ލިބުނު އިތުރު ނިކަމެތިކަމެކެވެ. އަދި ދެފަރާތުން ބޯޑަރު ހުރަސްކޮށް ކުރަމުންދާ ރޮކެޓް ހަމަލާތައް އިތުރުވުމާއެކު، މެދުއިރުމަތީގައި ފުރިހަމަ ހަނގުރާމައެއް ފެށިދާނެކަމުގެ ބިރުވެރިކަން އިތުރުވެއްޖެއެވެ.

އިސްރާއީލުގެ ސިފައިންގެ ބަޔާނެއްގައި ބުނެފައިވަނީ ލުބުނާނުގެ ވެރިރަށް ބެއިރޫޓަށް ދިން އެއަރ ސްޓްރައިކްގައި އިބްރާހިމް ޤުބައިސީ މަރުވެފައިވާ ކަމަށެވެ. އޭނާއަކީ ހިޒްބުﷲގެ މިސައިލް އަދި ރޮކެޓް ބާރުގެ ކޮމާންޑަރު ކަމަށް އިސްރާއީލުން ބުނެފައިވެއެވެ. ލުބުނާނުގެ ދެ ސެކިއުރިޓީ މަސްދަރަކުން ބުނެފައިވަނީ އޭނާއަކީ އީރާނުގެ ބާރު ލިބިގެންވާ އެ ގްރޫޕުގެ ރޮކެޓް ޑިވިޜަންގެ އިސް ފަރާތެއް ކަމަށެވެ.

އޭގެ ފަހުން އިސްރާއީލުގެ ސިފައިންގެ ފަރާތުން ބުނެފައިވަނީ އެއަރ ފޯސްއިން ދެކުނު ލުބުނާނުގެ އެކި ސަރަހައްދުތަކުގައި ހުރި ހިޒްބުﷲގެ އަމާޒުތަކަށް "ފުޅާ ދާއިރާއެއްގައި" ހަމަލާދީފައިވާ ކަމަށެވެ. މީގެ ތެރޭގައި ހަތިޔާރު ރައްކްކާކުރާ ތަންތަނާއި އިސްރާއީލުގެ ސަރަހައްދަށް އަމާޒުކޮށްފައިވާ އެތައް ލޯންޗަރެއް ހިމެނެއެވެ.

"މިއަދުގެ ހިޒްބުﷲއަކީ އަހަރެމެންނަށް އެއް ހަފުތާ ކުރިން އެނގުނު ހިޒްބުﷲއެއް ނޫން. އެ ގްރޫޕުގެ ކޮމާންޑް އެންޑް ކޮންޓްރޯލް، ފައައިޓަރުން، އަދި ހަނގުރާމަކުރުމުގެ ވަސީލަތްތަކަށް ވަރަށް ބޮޑެތި ގެއްލުންތަކެއް ވަނީ ލިބިފައި،" އިސްރާއީލުގެ ދިފާއީ ވަޒީރު ޔޯވް ގަލަންޓް ވިދާޅުވިއެވެ. އަދި މި ހަމަލާތައް ކުރިއަށް ގެންދާނެ ކަމަށްވެސް އިތުރުކުރެއްވިއެވެ.

"މި ހުރިހާ އެއްޗަކީވެސް ވަރަށް ބޮޑެތި ގެއްލުންތަކެއް،" އޭނާ އިސްރާއީލުގެ ސިފައިންނާ މުޚާތަބުކޮށް ވިދާޅުވިއެވެ.

ހިޒްބުﷲއާ ދެކޮޅަށް އިސްރާއީލުން ފަށާފައިވާ މި އާ ހަމަލާއާއެކު، ގާޒާގައި އިސްރާއީލާއި މިލިޓަންޓް ފަލަސްތީނު ގްރޫޕު ހަމާސްއާ ދެމެދު ގާތްގަނޑަކަށް އަހަރެއްވަންދެން ހިނގަމުންދާ ހަނގުރާމަ ގޮވައިގެން ގޮސް، ތެޔޮ އުފައްދާ މެދުއިރުމަތި ހަމަނުޖެހުމުގެ ތެރެއަށް ވައްޓާލައިފާނެކަމުގެ ބިރު އިތުރުވެއްޖެއެވެ.

އިސްރާއީލުން މިހާރު އަމާޒު ހިފަމުންދަނީ ގާޒާއިން އުތުރު ސަރަހައްދަށެވެ. އެ ސަރަހައްދުގައި ހިޒްބުﷲއިން ވަނީ ހަމާސްއަށް އެހީތެރިވުމުގެ ގޮތުން އިސްރާއީލަށް ރޮކެޓް ދޫކުރަމުންނެވެ. ހަމާސްއަކީވެސް އީރާނުގެ ބާރު ލިބިގެންވާ ގްރޫޕެކެވެ.އިސްރާއީލުގެ ހަނގުރާމައިގެ އިސްކަންދޭ ކަމަކަށް ވެފައިވަނީ އުތުރު ބޯޑަރު ސަލާމަތްކުރުމާއި، އެ ސަރަހައްދުން ފުރައިގެން ދިޔަ މީހުން އަނބުރާ ގެނައުމެވެ. މިކަމުން ދިގު މުއްދަތެއްގެ ހަނގުރާމައަކަށް މަގުފަހިވެއްޖެއެވެ. ނަމަވެސް ހިޒްބުﷲއިން ބުނެފައިވަނީ ގާޒާގައި ހަނގުރާމަ ހުއްޓުމަކަށް ނާންނަނީސް އެމީހުން ފަހަތަށް ނުޖެހޭނެ ކަމަށެވެ.

މި ދެމެދު، އދ. ގައި ހުންނަ އިސްރާއީލުގެ ސަފީރު ޑެނީ ޑެނޮން ވިދާޅުވެފައިވަނީ ލުބުނާނުގައި ހިނގަމުންދާ ހަނގުރާމަ މަޑުޖައްސާލުމަށް ހުށަހެޅޭ ޚިޔާލުތަކާމެދު އިސްރާއީލުން "ހުޅުވިފައިވާ ވިސްނުމެއް" ގެންގުޅޭ ކަމަށެވެ. "އަހަރެމެން އެއްވެސް ތަނަކަށް އެއްގަމު ހަމަލާއެއް ދޭކަށް ބޭނުމެއް ނޫން... އަހަރެމެން އިސްކަންދެނީ ޑިޕްލޮމެޓިކް ހައްލަކަށް،" އޭނާ ނޫސްވެރިންނަށް ވިދާޅުވިއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު