ނުކުޅެދުންތެރިކަން ހުންނަ ފަރާތްތަކަށް ތަމްރީނުގެ ފުރުސަތުތަށް ފަހިކޮށްދިނުމަށް މަޝްވަރާކޮށްފި

އައިޝަތު ޝިއުރާ
25 Sep 2024
ހަބަރު

މިނިސްޓްރީ އޮފް ސޯޝަލް އެންޑް ފެމެލީ ޑިވެލޮޕްމަންޓްއާއި މޯލްޑިވިސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ) އިން ގުޅިގެން، ތަމްރީނު ޕްރޮގްރާމްތަކުގައި ނުކުޅެދުންތެރިކަން ހުންނަ ފަރާތްތަކަށް ފުރުސަތު ފަހިކޮށްދިނުމާއި އަންހެނުން ބާރުވެރިކުރުވުމަށް، "ނެޝަނަލް ކޮންޕިޓެންސީ ސްޓޭންޑާޑްސް"އަށް ގެނައުން މުޙިއްމު ބަދަލުތަކާއި ގުޅޭގޮތުން މަޝްވަރާކޮށްފިއެވެ.

"ނެޝަނަލް ކޮންޕިޓެންސީ ސްޓޭންޑާޑްސް" އަކީ ތަމްރީނު ޕްރޮގްރާމެއް ފުރިހަމަކުރާ ދަރިވަރުންގެ ކިބާގައި، އެ ދަރިވަރަކު ތަމްރީނުވި ދާއިރާގައި މަސައްކަތްކުރުމަށް އެކަށީގެންވާ ހުނަރާއި ޤާބިލްކަންހުރިކަން ކަށަވަރުކޮށް، ފެންވަރު ބަލައި ވަޒަންކުރުމުގައި އިސްކަންދޭންޖެހޭ ކަންތައްތަކެކެވެ.

24 ސެޕްޓެމްބަރ ވީ އަންގާރާ ދުވަހު ބޭއްވި މި ބައްދަލުވުމުގައި، ނެޝެނަލް އެޕްރެންޓެސްޝިޕް ޕްރޮގްރާމްތަކާއި ނެޝަނަލް ޓްރޭޑް ޓެސްޓިންގ ސެޓްފިކޭޝަން މެދުވެރިކޮށް ދިވެހިރާއްޖޭގެ އެކި ދާއިރާތަކަށް ބޭނުންވާ ޒުވާނުން ތަމްރީނުކުރުމާއި، "ނެޝަނަލް ކޮންޕިޓެންސީ ސްޓޭންޑާޑްސް"އަށް ގެނައުން މުޙިއްމު ބަދަލުތަށް ގެނައުމާއި، އަންހެންނުންގެ ތަރައްޤީއާއި ނުކުޅެދުންތެރިކަން ހުންނަ ފަރާތްތަކަށް ތަމްރީނުގެ ފުރުސަތު ފަހިކޮށްދިނުމާއި ގުޅޭގޮތުން މަޝްވަރާކޮށްފައިވެއެވެ.

މި ބައްދަލުވުމުގައި، މޯލްޑިވިސް ނެޝަނަލް ސްކިލްސް ޑިވެލޮޕްމަންޓް އޮތޯރިޓީ (އެމްއެންއެސްޑީއޭ)ގެ ސީއީއޯ، ޑރ. ޒަހްރާ މުޙައްމަދުގެ އިތުރުން އެ އިދާރާގެ ބައެއް އިސްބޭފުޅުން މި ބައްދަލުވުމުގައި ބައިވެރިވެވަޑައިގަންނަވާފައިވެއެވެ. އަދި މިނިސްޓްރީ އޮފް ސޯޝަލް އެންޑް ފެމެލީ ޑިވެލޮޕްމަންޓްގެ ފަރާތުން އެ އިދާރާގެ ބައެއް އިސްބޭފުޅުން ވެސް ވަނީ މި ބައްދަލުވުމުގައި ބައިވެރިވެވަޑައިގަންނަވާފައެވެ.

ވަޒީފާގެ ފުރުޞަތުތައް ފަހިކުރުމަށްޓަކައި "އެންމެނަށް ވަޒީފާ" ސިޔާސަތެއް ކަނޑައަޅުއްވާ ޢަމަލުކުރުމަކީ ރައީސުލްޖުމްހޫރިއްޔާގެ ވަޢުދުފުޅުތެރޭގައި ހިމެނިފައިވާކަމެކެވެ. މިކަންކަން ތަންފީޒު ކުރުމަށްޓަކައި މި ވުޒާރާއިން އަންނަނީ ގިނަގުނަ މަސައްކަތްތައް ކުރަމުންނެވެ. އެގޮތުން މި ވުޒާރާގެ ނޭޝަނަލް ސްކިލްސް ޑިވެލޮޕްމަންޓް އޮތޯރިޓީން މިހާރުވަނީ ނޭޝަނަލް އެޕްރެންޓެސްޝިޕް ޕްރޮގްރާމް ވެސް ފަށާފައެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު