ކަނޑުގެ ލޮނުގަނޑު އުފުލުމުގެ މައްސަލައަށް އަވަސް ފިޔަވަޅުތަކެއް އެޅުމަށް ގުޅިގެން މަސައްކަތްކުރެއްވުމަށް ރައީސުލްޖުމްހޫރިއްޔާ ގޮވާލައްވައިފި

އައިޝަތު ޝިއުރާ
26 Sep 2024
ހަބަރު

މޫސުމަށް އަންނަ ބަދަލުތަކާއި ކަނޑުގެ ލޮނުގަނޑު އުފުލުމުގެ މައްސަލައަށް އަވަސް ފިޔަވަޅުތަކެއް އެޅުމަށް ބައިނަލްއަޤްވާމީ މުޖުތަމަޢުން ގުޅިގެން މަސައްކަތް ކުރެއްވުމަށް ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ގޮވާލައްވައިފިއެވެ. ރައީސުލްޖުމްހޫރިއްޔާ މިކަމަށް ގޮވާލެއްވީ ހައި-ލެވެލް ޕްލެނަރީ މީޓީންގ އޮން އެޑްރެސިންގ އެގްޒިސްޓެންޝަލް ތްރެޓްސް ޕޯޒްޑް ބައި ސީ-ލެވެލް ރައިޒްގައި ދިވެހިރާއްޖޭގެ ބަޔާން އިއްވަވަމުންނެވެ.

ރައީސުލްޖުމްހޫރިއްޔާގެ ބަޔާނުގައި މޫސުމަށް އަންނަ ބަދަލުތަކަށް ހޭނުމަށް ކުރަންޖެހޭ ކަންކަމަށް ބޭނުންވާ މާލީ ކަންކަން އިތުރުކުރުމަށް އެޅިދާނެ 3 ފިޔަވަޅެއް ފާހަގަކުރެއްވިއެވެ.ފުރަތަމަ ކަމަކަށް މޫސުމަށް އަންނަ ބަދަލުތަކުން ލިބޭ ގެއްލުންތައް ކުޑަކުރުމާއި މޫސުމަށް އަންނަ ބަދަލުތަކަށް ހޭނުމަށް ކުރެވޭ މަސައްކަތްތަކާއި ދެމެދު އޮންނަ ފަރަގު ކުޑަކުރަންޖެހޭ ކަމުގައި ރައީސުލްޖުމްހޫރިއްޔާ ވިދާޅުވިއެވެ. އަދި އެމަނިކުފާނު ވަނީ ފަންޑު ލިބުމުގެ ކަންކަން ފަސޭހަކޮށްދިނުމާއި އެންޓީގާ އެންޑް ބާބިޔުޑާގައި ސިޑްސްއާ ގުޅޭގޮތުން ނިންމި ނިންމުންތަކާ އެއްގޮތަށް ފައިސާ ހޯދުމުގެ ކަންކަން ގެންދިއުމަށް ގޮވާލައްވާފައެވެ.

ދެވަނަ ކަމަކަށް އެމަނިކުފާނު ވަނީ "ލޮސް އެންޑް ޑެމޭޖް ފަންޑު" ގެ ބޭނުން ހިފޭނެގޮތަށް މަގުފަހިކުރުމެވެ. އެގޮތުން އެމަނިކުފާނު ވަނީ ރާއްޖެފަދަ މޫސުމަށް އަންނަ ބަދަލުތަކުގެ ގެއްލުންތަކަށް ހުށަހެޅިފައިވާ ޤައުމަކަށް "ލޮސް އެންޑް ޑެމޭޖް ފަންޑު"ގެ ބޭނުންތެރިކަން ފާހަގަކުރައްވާފައެވެ.

ތިންވަނަ ކަމަކަށް އެމަނިކުފާނު ފާހަގަކުރެއްވީ ކަމާގުޅޭ ޓެކްނޮލޮޖީ ފޯރުކޮށްދިނުމަށް މަގުފަހިކުރުމެވެ. އެގޮތުން އެމަނިކުފާނު ވަނީ މޫސުމަށް އަންނަ ބަދަލުތަކާގުޅޭގޮތުން ފިޔަވަޅުއެޅުމުގެ ކަންކަން އެންމެ އެދެވޭގޮތެއްގައި ކުރިޔަށް ގެންދިއުމަށް މަގުފަހިކުރުމަށްޓަކައި ތަރައްޤީވަމުން އަންނަ ކުދި ޖަޒީރާ ޤައުމުތަކަށް ކަމާގުޅޭ ޓެކްނޮލޮޖީތައް ފޯރުކޮށްދިނުމަށް ކުރިއަރާފައިވާ އިޤްތިޞާދުތަކަށް އޮތް ޒިންމާ ހަނދާންކޮށްދެއްވާފައެވެ.މީގެ އިތުރުން އެމަނިކުފާނު ވަނީ މޫސުމަށް އަންނަ ބަދަލުތަކަށް ހޭނުމުގެ ޤާބިލުކަން އިތުރުކުރުމުގައި އައްސޭރިފަށުގައި ދިރިއުޅޭ މުޖްތަމަޢުތަކާއި ބިންތިރި ޤައުމުތަކުން ޓެކްނޮލޮޖީގެ ގާބިލުކަން އިތުރުކުރުމަށް ޕްރައިވެޓް ސެކްޓަރގެ މުހިންމު ދައުރު ފާހަގަކުރައްވާފައެވެ.

ރައީސުލްޖުމްހޫރިއްޔާގެ ވާހަކަފުޅު ނިންމަވާލައްވަމުން އެމަނިކުފާނު ވަނީ މޫސުމަށް އަންނަ ބަދަލުތަކުގެ ސަބަބުން ލިބޭ ގެއްލުންތަކުން ޤައުމު ސަލާމަތްކުރުމަށް ރާއްޖޭގެ ބަޖެޓުން ބޮޑު ހޭދައެއް ކުރަންޖެހޭކަން ފާހަގަކުރައްވައި އޭގެ ބަދަލުގައި އެފައިސާ ޤައުމުގެ ތަރައްޤީގެ އެހެންކަންކަމަށް ޚާއްސަ ކުރެވޭ ގޮތްވުމަކީ ކޮންމެހެން ބޭނުންތެރިކަމެއްކަން ފާހަގަކުރައްވާފައެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު