ބީއެމްއެލް އެޕް ބެނުންކުރާ މަންޒަރު - ފޮޓޯ: ބީއެމްއެލް
ރާއްޖޭގެ ގިނަބަޔަކު ހިދުމަތް ހޯދަމުންދާ ބޭންކް އޮފް މޯލްޑިވްސްގެ އެޕް ބޭނުންކުރުމުގައި މައްސަލަތަކެއް ދިމާވެއްޖެއެވެ.
ބޭންކް އޮފް މޯލްޑިވްސް ގެ މޯބައިލް ބޭންކިން އެޕް ބޭނުން ކުރުމުގައި މައްސަލަތަކެއް އުޅެކަމަށް ގިނަބަޔަކު ސޯޝިއަލް މީޑިއާ ގައި އެކަން ހިއްސާ ކުރަން ފަށައިފިއެވެ. އެއްބަޔަކަށް އެޕް މެދުވެރިކޮށް ރުފިޔާ ޓްރާންސްފާ ނުކުރެވޭއިރު އަނެއްބަޔަކަށް އެޕަށް ނުވަދެވެއެވެ. ސޯޝިއަލް މީޑިއާގައި އާންމުން ކޮށްފައިވާ ޕޯސްޓް ތަކުން ހާމަވާގޮތުގައި ބައެއް މީހުންގެ އެކައުންޓަށް ވަދެވުނު ނަމަވެސް އެކައުންޓުގައި ފައިސާ ހުރިކަމަކަށް ނުދައްކައެވެ. އަދި ބައެއްމީހުންގެ ފައިސާ ހުރި ކަމަށް ދެއްކި ނަމަވެސް ރުފިޔާ ޓްރާންސްފާ ނުކުރެވެއެވެ.
ބީއެމްއެލް އެޕް ބޭނުންކުރުމުގައި ދަތިތަށް ދިމާވުން ވަނީ އާންމުކަމަކަށް ވެފައިކަމަށް ގިނަބަޔަކު ބުނަމުން ދިޔަ ނަމަވެސް މި މައްސަލަ އާއި ގުޅިގެން ބީއެމްއެލް ގެ އެއްވެސް ބަހެއް އަދި ލިބިފައެއް ނުވެއްެވެ. މިއަދު އެޕް ބޭނުންކުރުމުގައި މައްސަލަތަކެއް ދިމާވެފައިވާއިރު މީގެ 2 ދުވަސް ކުރިން ބީއެމްއެލް ކާޑު ގެ ހިދުމަތްވެސް ކެނޑިފައިވެއެވެ.
