ބ. އަތޮޅު ބަޔޯސްފިއަރ އޭޝިއާ ސަރަޙައްދީ ކޮންޒަވޭޝަން ފޯރަމްގައި ބައިވެރިވެއްޖެ

އައިޝަތު ޝިއުރާ
03 Sep 2024
ހަބަރު

ބ. އަތޮޅު ބަޔޯސްފިއަރ އޭޝިއާ ސަރަޙައްދީ ކޮންޒަވޭޝަން ފޯރަމްގައި ބައިވެރިވެއްޖެއެވެ.

ބ. އަތޮޅު ބަޔޯސްފިއަރ ރިޒާވް އިން ވަނީ އައި.ޔޫ.ސީ.އެން ގެ 8 ވަނަ އޭޝިއާ ސަރަޙައްދީ ކޮންޒަވޭޝަން ފޯރަމްގައި ބައިވެރިވެފައެވެ. މި ފޯރަމް ބޭއްވޭނީ 2024 ވަނަ އަހަރުގެ ސެޕްޓެމްބަރ މަހުގެ 3 އިން 5 އަށް ތައިލެންޑުގެ ވެރިރަށް ބެންކޮކްގައެވެ. މި ފޯރަމްގައި މުޅި ސަރަޙައްދުން 600 އަށް ވުރެ ގިނަ ތިމާވެށި ރައްކާތެރިކުރުމުގެ ދާއިރާގެ އިސްވެރިން ބައިވެރިވާނެއެވެ.

"އޭޝިއާގައި ތިމާވެށި ރައްކާތެރިކުރުން އަލުން ރޭވުން: ގުދުރަތަށް ފައިދާހުރި މުސްތަޤުބަލެއް" ގެ ނަމުގައި ބޭއްވޭ މި ފޯރަމްގެ މަޤްޞަދަކީ ތިމާވެށި ރައްކާތެރިކުރުމުގެ ދާއިރާއިން ކުރެވިފައިވާ ކުރިއެރުންތައް ވަޒަންކޮށް، އިސްކަންދޭންޖެހޭ ލަނޑުދަނޑިތައް މުރާޖަޢާކޮށް، އަދި ކުރިއަށް އޮތް 20 އަހަރު ތިމާވެށްޓާއި ދިރޭތަކެތީގެ ނަސްލުތަކަށް ކުރިމަތިވެފައިވާ ގޮންޖެހުންތަކަށް ހައްލު ހޯދުމަށް ބޭނުންވާ ސްޓްރެޓެޖިކް އިރުޝާދުތައް ހުށަހެޅުމެވެ.

މި ފޯރަމްގައި ދިވެހިރާއްޖޭގެ ފަރާތުން މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީގެ އިތުރުން އެންވަޔަރަންމަންޓަލް ޕްރޮޓެކްޝަން އޭޖެންސީ، އައްޑޫ ނޭޗަރ ޕާކް އަދި ފުވައްމުލަކު ނޭޗަރ ޕާކުން ވެސް ބައިވެރިވެއެވެ. ދިވެހި ވަފުދުގެ އިސްވެރިޔަކީ މިނިސްޓަރ އޮފް ކްލައިމެޓް ޗޭންޖް، އެންވަޔަރަންމަންޓް އެންޑް އެނަރޖީ އޮނަރަބަލް ތާރިޤް އިބްރާހީމެވެ.

މި ފޯރަމްގައި ބައިވެރިވުމަށް އައި.ޔޫ.ސީ.އެން އޭޝިއާ، އޯ.ސީ.ޕީ.ޕީ މޯލްޑިވްސް، ބީ.އޭ.ސީ.އެފް، ޔޫކޭ އިން މޯލްޑިވްސް އަދި ޑިޕާޓްމަންޓް ފޯ އެންވަޔަރަންމަންޓް، ފުޑް އެންޑް ރޫރަލް އެފެއާޒް (ޑެފްރާ) އިން އެހީތެރިކަން ފޯރުކޮށްދީފައިވެއެވެ.

ކޮމެންޓް
އިތުރު ލިއުން
101 މަރުކަޒަކުން ހިންގަމުން އައި ޕްރޮގްރާމްތައް މިއަދުން ފެށިގެން އެމްކިޔުއޭ އިން ޤަބޫލެއް ނުކުރާނެ
ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ މިނިސްޓްރީގައި ރަޖިސްޓަރ ނުކުރާ މަތީ ތަޢުލީމުދޭ 101 މަރުކަޒެއްގެ ޕްރޮގްރާމްތައް މިއަދުން ފެށިގެން ބާޠިލުކޮށްފައިވާ ކަމަށް މޯލްޑިވްސް ކޮލިފިކޭޝަންސް އޮތޯރިޓީ (އެމްކިއުއޭ) އިން ވިދާޅުވެއްޖެއެވެ.
07 Jan 2025
ހަބަރު
އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
05 Jan 2025
ހަބަރު
ކޮންމެ ރަމަޟާން މަހަކު ސައުދީން ހަދިޔާ ކުރާ ކަދުރު ރާއްޖެ ގެނެސްފި
ކޮންމެ ރަމަޟާން މަހަކަށް ސައުދީން ރާއްޖެ އަށް ހަދިޔާ ކުރާ 50 ޓަނުގެ ކަދުރު ރާއްޖެ ގެނެސްފިއެވެ.
05 Jan 2025
ހަބަރު
ރާއްޖޭގައި ހަށިވިއްކުމުގެ ވިޔަފާރި ކުރަމުންދާކަމަށް ތުހުމަތުކުރެވޭ 7 މީހަކު އަތުލައިގެންފި
ރާއްޖޭގައި ފުޅާދާއިރާއެއްގައި ހަށިވިއްކުމުގެ ވިޔަފާރިކުރަމުންދާކަމަށް ތުހުމަތުކުރެވޭ 7 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
05 Jan 2025
ހަބަރު