ވ. އަދި މ. އަތޮޅުގެ އިމާމުން ތާޒާ ކުރުމުގެ ޕްރޮގުރާމް ފަށައިފި
ވ. އަތޮޅާއި، މ. އަތޮޅުގެ އިމާމުން ތާޒާކުރުމުގެ ޕްރޮގުރާމް ފަށައިފިއެވެ.
ބުދަ ދުވަހު ފެށި މި ޕްރޮގުރާމުގައި 2 އަތޮޅުން 49 އިމާމުން ބައިވެރިވެލައްވާފައިވެއެވެ. މިއީ ރާއްޖޭގެ ހުރިހާ އިމާމުން ތާޒާކުރުމަށް މިއަހަރު ފަށާފައިވާ ޤައުމީ ފެންވަރުގެ މަޝްރޫޢުގެ ދަށުން ކުރިއަށް ގެންދާ ޕްރޮގުރާމެކެވެ. މިއަހަރު މިހާތަނަށް ގއ. އަދި ގދ. އަތޮޅުގެ އިތުރުން ފުވައްމުލަކު ސިޓީގައިވެސް އިމާމުން ތާޒާ ކުރުމުގެ ޕްރޮގުރާމްވަނީ ކުރިއަށް ގެންގޮސްފައެވެ.
އިސްލާމީ ކަންތައްތަކާ ބެހޭ ވުޒާރާގެ އަމާޒަކީ މިއަަހަރު ނިމުމުގެ ކުރިން ރާއްޖޭގެ ހުރިހާ އިމާމުންނަށް މި ޕްރޮގުރާމް ކުރިއަށް ގެންދިއުމެވެ.
މި ސަރުކާރުން އިމާމުންނަށް އިތުރު ތަމްރީނާއި ފުރުސަތުތައް ހޯދައިދިނުމަށް ކުރަމުންދާ މަސައްކަތުގެ ތެރެއިން މިހާތަނަށް އިމާމުންގެ ދެ ބެޗެއް ސަޢުދީ އަރަބިއްޔާއަށް ފޮނުވާފައިވާއިރު، ބުރޫނާއީއަށްވެސް އިމާމުންގެ ބެޗެއް ފޮނުވާފައިވާކަން ފާހަގަކޮށްލެވެއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
