ޣައްޒާ
ޣައްޒާ

އަލް މަވާސީއަށް އިސްރާއީލުން ދިން ހަމަލާއަކީ ހަމާސްްގެ ލީޑަރަކަށް އަމާޒުކޮށްދިން ހަމަލާއެއް ނޫން: ހަމާސް

އިސްރާއީލުން ސޭފް ޒޯންގެ ގޮތުގައި ކަނޑައަޅާފައިވާ އަލް މަވާސީ އަށް ދިން ހަމަލާއަކީ އެސަރަހައްދުގައި ތިބި ހަމާސްގެ ސީނިއަރ ބަޔަކަށް އަމާޒުކޮށް ދިން ހަމަލާތަކެއްކަމަށް އިސްރާއީލު އަސްކަރިއްޔާއިން ބުނި ބުނުން ހަމާސް އިން ދޮގުކޮށްފިއެވެ.

ޣައްޒާގެ ހެލްތު މިނިސްޓްރީން ބުނީ ޣައްޒާގެ ދެކުނުގައި އޮންނަ އަލް މަވާސީއަށް ނިރުބަވެރި ޔަހޫދީން ދިން ހަމަލާތަކުގައި ޝަހީދުވި މީހުންގެ އަދަދު 71ށް އަރާފައިވާކަމަށެވެ. އަދި ޒަޚަމްވި މީހުންގެ އަދަދު 289ށް އަރާފައިވާކަމަށެވެ.

ޣައްޒާގެ ސިވިލް ޑިފެންސްގެ ސްޕޯކްސްޕާސަން އަލް ޖަޒީރާއަށް ދިން އިންޓަރވިއުއެއްގައި ބުނީ އިސްރާއީލުގެ ހަނގުރާމަމަތީ ބޯޓުތަކުން ހަމަލާތައް ދީފައިވަނީ އެސަރަހައްދުގައި ގެދޮރު ގެއްލިފައިވާ އެތައް ހާސް ބަޔަކު ދިރިއުޅެމުން އަންނަ ޓެންޓްތަކަށާއި ފެން ދޫކުރާ ތަނަކަށްކަމަށެވެ.

މިހަމަލާތަކުގައި އެތައް ބަޔެއްގެ ފުރާނަ ގެއްލިގެންދިޔުމުގެ ސަބަބުން އިސްރާއީލަށް ބައިނަލްއަގްވާމީ ފަރާތްތަކުގެ ފާޑުކިޔުންތައް ވަނީ އަމާޒުވެފައެވެ. އެއާއެކު އިސްރާއީލު އަސްކަރިއްޔާއިން ނެރުނު ބަޔާނެއްގައި ބުނީ އެސަރަހައްދަށް އަމާޒުކޮށް ހަމަލާދިނީ އެސަރަހައްދުގައި ހަމާސްގައި ސީނިއަރ ދެ މީހުން ތިބިކަމުގެ އިންޓެލިޖެންސް މައުލޫމާތު ލިބިގެންކަމަށެވެ. އަދި އެސަރަހައްދުގައި އެހެން ހަނގުރާމަވެރިންވެސް ތިބިކަމަށް އިސްރާއީލު އަސްކަރިއްޔާއިން ބުނެއެވެ.

އިސްރާއީލު އަސްކަރިއްޔާގެ ބަޔާނާ ގުޅިގެން ހަމާސް އިން ނެރުނު ބަޔާނުގައި ބުނީ މިީ އިސްރާއީލުން ހިންގާ ގަތުލުއާންމުތައް ފޮރުވުމަށް ހަދަމުންދާ ދޮގުތަކަށް އިތުރުވެގެންދިޔަ ދޮގެއްކަމަށެވެ. ހަމާސްގެ ޕޮލިޓިކަލް އޮފީހުގެ މެމްބަރެއްކަމުގައިވާ އިއްޒަތު އަލް ރަޝާގު ރޮއިޓަރސް އާ ވާހަކަދައްކަމުން ބުނީ ހަމާސްގެ އިސް ބަޔަކަށް އަމާޒުކޮށް ހަމަލާ ދިންކަމުގައިވިޔަސް މިހާ ގިނަ އަދަދެއްގެ ގެދޮރު ގެއްލިފައި ތިބި ބަޔަކަށް އަމާޒުކޮށް ހަމަލާދިނުމަކީ ބަލައިގަނެވޭނެކަމެއް ނޫންކަމަށެވެ.

ހަމާސްގެ ބަޔާނުގައި އިތުރަށް ބުނެފައިވަނީ ޚާން ޔޫނުސްގައި އޮންނަ އަލް މަވާސީ ސަރަހައްދުގައި ގެދޮރު ގެއްލިފައިވާ 80،000 މީހުން ދިރިއުޅެމުން އަންނަކަމަށާއި އެސަރަހައްދަށް އަމާޒުކޮށް ޔަހޫދީ ޒަޔަނިސްޓުން މިހަމަލާ ދިނުމުން ސާބިތުވަނީ ޔަހޫދީން މަސައްކަތްކުރަނީ ނަސްލު ނައްތާލަންކަން ކަމަށް ހަމާސް އިން ބުނެއެވެ. އަދި މިއީ ރޭވިގެން އިންތިޒާމުކުރެވިގެން ހިންގަމުންދާ ގަތުލު އާންމެއް ކަމަށް ހަމާސް އިން ވަނީ ބުނެފައެވެ.

އަލް މަވާސީ އަކީ އިސްރާއީލުން މީގެކުރިންވެސް ހަމަލާތައް ދީފައިވާ ސަރަހައްދެކެވެ. އެގޮތުން މެއި މަހުގެ ތެރޭގައި އިސްރާއީލުން އެ ސަރަހައްދަށް ދިން ހަމަލާފައި 21 މީހުން ވަނީ ޝަހީދުކޮށްލާފައެވެ.

ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

އިތުރު ލިއުން
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
އަޚުވަންތަކަމާއި އިސްލާމީ އެއްބައިވަންތަކަމުގެ މައްޗަށް ބިނާވެފައިވާ 60 އަހަރުގެ ޚާރިޖީ ގުޅުން ފާހަގަކުރައްވަމުން ރައީސުލްޖުމްހޫރިއްޔާ ވިދާޅުވީ، ދެޤައުމުގެ މެދުގައި އޮތް ޚާރިޖީ އިތުބާރާއި ސިޔާސީ ގުޅުން ބަދަހިކަމާއެކު ދެމިއޮތް ނަމަވެސް، އިޤްތިޞާދީ ގުޅުން އެންމެ ފުރިހަމަ ގޮތުގައި އަދިވެސް ބަދަހިވެގެންނުދާ ކަމަށެވެ. އަދި ކުރިއަށް އޮތް ދެ އަހަރުގެ ތެރޭގައި ދެޤައުމުގެ މެދުގައި ކުރެވޭ ވިޔަފާރީގެ މިންވަރު، 200 މިލިއަން އެމެރިކާ ޑޮލަރަށް އިތުރުކުރުމަށް ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަޢުދުވެވަޑައިގެންފައިވާކަން އެމަނިކުފާނު ފާހަގަކުރެއްވިއެވެ.
ޚަބަރު 23 Oct 2026
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައްޔިތުންގެ މިދަތުރުފުޅު ވެގެންގޮސްފައިވަނީ ދިވެހިރާއްޖެއާއި ޕާކިސްތާނާ ދެމެދު ސިޔާސީ ގުޅުން ޤާއިމުކުރިތާ 60 އަހަރު ފުރުނު ތާރީޚީ މުނާސަބަތާވެސް ގުޅިފައިވާ ދަތުރުފުޅަކަށެވެ. އަދި މި ދަތުރުފުޅުގެ ސަބަބުން ދެ ޤައުމުގެ މެދުގައި އޮތް ޒަމާންވީ ގުޅުން ބަދަހިކޮށް، ދެ ޤައުމަށް ފައިދާހުރި މުހިންމު ދާއިރާތަކުން އިތުރަށް ގުޅުން ހަރުދަނާކުރުމަށް މަގުފަހިވެގެންދިޔައެވެ.
ޚަބަރު 23 Oct 2026
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
މި މަޝްރޫޢާ ގުޅޭގޮތުން އާންމުކޮށްފައިވާ އެންމެ ފަހުގެ ހިސާބުތައް ދައްކާގޮތުން، ރާއްޖޭގެ އެކި ކަންކޮޅުތަކުގައި މިހާތަނަށް ޖުމްލަ 2،463،339 )ދެ މިލިއަން ހަތަރު ލައްކަ ފަސްދޮޅަސް ތިން ހާސް ތިންސަތޭކަ އޮނަތިރީސް( ގަސް ވަނީ އިންދާފައެވެ. މިއީ ސަރުކާރުން އަމާޒު ހިފާފައިވާ 5 މިލިއަން ގަހުގެ ނިސްބަތުން ބަލާއިރު 49.3 އިންސައްތައެވެ.
ޚަބަރު 23 Oct 2026
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
މި ޝަރަފު ރައީސް ޑރ. މުޢިއްޒަށް އަރުވާފައިވަނީ ރައީސުލްޖުމްހޫރިއްޔާއާއި ޕާކިސްތާނުގެ ބޮޑުވަޒީރު ޝެހްބާޒް ޝަރީފާ ދެމެދު ބޭއްވެވި ރަސްމީ މަޝްވަރާތަކަށްފަހު، ދެ ޤައުމުގެ ވެރިން މީޑިއާއަށް ބަޔާން ދެއްވުމަށް ބޭއްވި ރަސްމިއްޔާތުގައެވެ. މި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ބޮޑުވަޒީރު ޝެހްބާޒް ޝަރީފެވެ.
ޚަބަރު 21 Oct 2026