ފުލުހުންގެ ނަމުގައި ސްކޭމް މެއިލްތަކެއް، ސަމާލުވޭ
ފުލުހުންގެ ނަމުގައި ސްކޭމް މެއިލްތަކެއް ފޮނުވަމުންދާތީ އެކަމަށް ސަމާލުވުމަށް އިލްތިމާސްކޮށްފިއެވެ.
އެކަމާއި ގުޅޭގޮތުން ފުލުހުންގެ ތަރުޖަމާނު އެސިސްޓެންޓް ކޮމިޝަނާ އޮފް ޕޮލިސް އަހުމަދު ޝިފާން ވިދާޅުވީ ދިވެހި ފުލުހުންގެ ހިދުމަތުން ނުވަތަ ކޮމިޝަނާ އޮފް ޕޮލިސްގެ ފަރާތުން އަންގާ އެންގުމެއް ކަމަށް ސިފަވާ ގޮތަށް ބައެއް މީހުންނަށް އީމެއިލްތަކެއް ލިބެމުންދާކަމުގެ މައުލޫމާތު ފުލުހުންނަށް ލިބިފައިވާ ކަމަށެވެ.
ފުލުހުންގެ ނަމުގައި ފޮނުވި މެއިލްގެ ސްކްރީންޝޮޓެއް ހިއްސާކުރައްވާ ޝިފާން ވިދާޅުވީ ދައުރުވަމުންދާ އީމެއިލްތަކަކީ އެ މުއައްސަސާއިން ފޮނުވަމުން ގެންދާ މެއިލްތަކެއް ނޫން ކަމަށެވެ.
މިފަދަ މެއިލްތައް ފޮނުވުމަކީ މަކަރާއި، ހީލަތް ހަދައި އޮޅުވާލައިގެން ނަހަމަ ގޮތެއްގައި ފައިދާ ހޯދާ ފަރާތްތަކުން ބޭނުންކުރާ އާއްމު އުކުޅެއްކަމަށް ޝިފާން ވިދާޅުވި އެވެ.
މިފަދަ މެއިލްތަކަށް ރިޕްލައިކޮށް، ހިމެނޭ ލިންކުތަކަށް ނުފިތުމަށް ޝިފާން ވަނީ އިލްތިމާސްކުރައްވާފައެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
