ސަޕޯޓަރުންނާއެކު މާލެ ފުރިފައި: ފެނުނީ ސަރުކާރަށް އޮތް ބޮޑު ތާޢީދު

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ވެރިކަމަށް ދެ އަހަރު ފުރުމުގެ މުނާސަބަތުގައި، ރޭ، މާލޭގެ އާޓިފިޝަލް ބީޗް ސަރަހައްދުގައި ބޭއްވި އެއްވުމަށް 13،000 އަށް ވުރެ ގިނަ ސަޕޯޓަރުން އެއްވެފައިވާކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ. އެމަނިކުފާނު މިފަދައިން ވިދާޅުވީ ރޭ އޮތް އެއްވުމުގައި ވާހަކަފުޅު ދައްކަވަމުންނެވެ.

އާޓިފިޝަލް ބީޗުގައި ބޭއްވި މި އެއްވުމަށް ރާއްޖޭގެ އެކި ހިސާބުތަކުން އެތައް ހާސް ސަޕޯޓަރުންނެއް މާލެއަށް އައިސްފައިވެއެވެ.

ރައީސް މުޢިއްޒު ވަނީ އެއްވެ ތިބި މީހުންނާ މުޚާތަބު ކުރައްވައި، އެމަނިކުފާނުގެ ސަރުކާރުން މުހިންމު ގޮތެއްގައި އިސްކަންދޭ ކަންތައްތަކެއް ކަމަށްވާ ތަރައްޤީއާއި ސަލާމަތާއި ހުރިހާ ޖަޒީރާތަކެއްގައި ހަމަހަމަކޮށް ރަށްތައް ތަރައްޤީވެ ކުރިއެރުމަށް ކުރަންޖެހޭ މަސައްކަތްތައް ކުރެވެމުންދާކަމަށް ވިދާޅުވެފައެވެ.

ހަޤީޤީ ތަރައްޤީ އަންނާނީ ހުރިހާ ޖަޒީރާތަކެއްގައި ހަމަހަމަކަމާއެކު،

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު

މީގެއިތުރަށް މި އެއްވުމަށްފަހު އާޓިފިޝަލް ބީޗް  ވަށައިގެން ސާފުކުރުމުގެ މަސައްކަތުގައި ރައްޔިތުންގެ މަޖިލީހުގެ ގިނަ އަދަދެއްގެ މެމްބަރުން ބައިވެރިވެ، ކުނިތަކާއި ޕްލާސްޓިކް ފުޅިތަކާއި އެއްވެ ތިބި މީހުން ދޫކޮށްލި ރެޕަރުތައް އެއްކުރަމުން ދިޔަތަން ފެނިފައިވެއެވެ. މަޖިލީހުގެ މެންބަރުން ކުރި ސާފުކުރުމުގެ މަސައްކަތަށް ޖަވާބުދާރީވުމުގެ ރަމްޒީ އިޝާރާތެއްގެ ގޮތުގައި ސޯޝަލް މީޑިއާގައި ގިނަ ބަޔަކު ވަނީ ތަޢުރީފުކޮށްފައެވެ. 

ރައީސްގެ ދެ އަހަރުގެ މެންޑޭޓަށް އާންމުންގެ ފުޅާ ތާޢީދެއް ދެއްކުމުގެ ބޭނުމުގައި، ފަހުގެ ރާއްޖޭގެ ތާރީޙުގައި ބޭއްވި އެންމެ ބޮޑު އެއް ސިޔާސީ އެއްވުމެއްގެ ގޮތުގައި، މި އެއްވުން ޕީއެންސީގެ ލީޑަޝިޕުން ސިފަކޮށްފައިވެއެވެ.