ރައީސް މުއިއްޒު، ނޭޕާލްގެ އާ ބޮޑިވަޒީރަށް މަރުހަބާ ވިދާޅުވެއްޖެ

ނޭޕާލްގެ އާ ބޮޑުވަޒީރަކަށް އައްޔަންކުރެވިފައިވާ ކޭޕީ ޝަރްމާ އޮލީއަށް، ރައީސް ޑރ. މުހައްމަދު މުއިއްޒު މަރުހަބާ ވިދާޅުވެއްޖެއެވެ. 

ރައީސް ޑރ. މުއިއްޒު އެކްސް ގައި ކުރެއްވި ޕޯސްޓެއްގައި ރާއްޖެ އާއި ނޭޕަލް އަކީ ރައްޔިތުންނާ ގާތް ގުޅުން ބާއްވާ ދެ ގައުމު ކަމަށާއި ދެ ގައުމުގެ ދެމުގައިވާ ގުޅުން އިތުރަށް ބަދަހި ކުރެއްވުމަށް އެކުގައި މަސައްކަތް ކުރެއްވުމަށް އުންމީދު ކުރައްވާ ކަމުގައެވެ. އަދި ރައީސް ވަނީ ޝަރްމާ އޮލީއަށް މަރުހަބާ ދަންނަވާފައެވެ.  

ޝަރްމާ އޮލީ ނޭޕާލް ގެ ބޮޑުވަޒީރުކަމަށޤ އައްޔަން ކޮށްފައިވަނީ މިމަހުގެ 14 ވަނަ ދުވަހިުއެވެ. މީގެ އިތުރުން ޝަރްމާ ވަނީ މީގެ ކުރިންވެސް އެގައުމުގެ ބޮޑުވަޒީރުކަން ކުރައްވާފައެވެ.  އެގޮތުން 2015 އޮކްޓޯބަރު 11 އިން 2016 އޮގަސްޓް 3 އަށް އަދި 2018 ފެބްރުއަރީ 5 އިން 2021 ޖުލައި 13 އަށް ވެސް އޭނާ ވަނީ ނެޕާލްގެ ބޮޑުވަޒީރުކަން ކުރައްވައިފައެވެ. އެހެންކަމުން މިއީ އޭނާ މިމަގާމަށް ހުވާ ކުރެއްވި 4 ވަނަ ފަހަރުކަން ފާހަގަ ކޮށްލެވެއެވެ. 

ޝަރްމާ އޮލީ ކޮމިއުނިސްޓް ޕާޓީއާ ގުޅުނީ 1987 ވަނަ އަހަރުއެވެ. އަދި އޭނާ އަކީ މިހާރު އެ ގައުމުގެ އެންމެ ބޮޑު ކޮމިއުނިސްޓް ޕާޓީގެ ލީޑަރެވެ.