ނޭޝަނަލް ސުނާމީ ރެޑީ ޓްރެއިނިންގ ފަށައިފި

ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީއާއި ޔުނެސްކޯ އިންޓަރގަވަރމެންޓަލް އޯޝަނޯގްރެފިކް ކޮމިޝަން (އައި.ޖީ.އޯ.ސީ) އަދި އިންޑޮނޭޝިއާގެ މޫސުމާއިބެހޭ އިދާރާ ބީ.އެމް.ކޭ.ޖީ ގުޅިގެން ނޭޝަނަލް ސުނާމީ ރެޑީ ޓްރެއިނިންގ ދިވެހިރާއްޖޭގައި ފަށައިފިއެވެ.

މި ޕްރޮގްރާމް ރާއްޖޭގައި ފެށުމުގެ ފުރަތަމަ ކަމެއްގެ ގޮތުން، ރަށްތަކުގައި ޕްރޮގްރާމް ހިންގާނެ ފެސިލިޓޭޓަރުން ތަމްރީންކުރުމަށް 5-7 އޯގަސްޓް 2024 އަށް ކުރިއަށްގެންދިއުމަށް ހަމަޖެހިފައިވާ ޓްރެއިނިންގ އޮފް ޓްރެއިނާރސް ވޯކްޝޮޕް މިއަދު ވަނީ ފަށައިފައެވެ.

މިތަމްރީން ޕްރޮގްރާމްގައި އެކިއެކި ވުޒާރާތަކާއި، ސިޓީ އަދި ރަށު ކައުންސިލްތަކާއި، ޖަމިއްޔާ ޖަމާޢަތްތަކުންނާ އަދި އެކިއެކި ކުންފުނިތަކުން 40 އަށް ވުރެ ގިނަ ބައިވެރިން ތަމްރީނުކުރާނެއެވެ.

މި ތަމްރީން ޕްރޮގްރާމަކީ ސުނާމީ ކާރިޘާއަކަށް އިޖާބަ ދިނުމަށް މުޖުތަމަޢުތަކުގެ ތައްޔާރުކަމާއި، ވިލުންތެރިކަން އިތުރުކުރުމުގެ ގޮތުން ކުރިއަށް ގެންދެވޭ ޕްރޮގްރާމްއެކެވެ. މި ޕްރޮގްރާމްގެ ދަށުން ސުނާމީ ކާރިޘާއެއްގެ ސަބަބުން ރައްޔިތުންގެ ފުރާނައާއި، ބިނާރާއި، ދަނޑުބިމާއި، ކައިބޮއި ދިރިއުޅުމަށް ކުރަމުން އައި އެންމެހައި މަސައްކަތްތައް ނެތި ގޮސް ލިބިދާނެ ބޮޑެތި ގެއްލުންތަކުން ރައްކާތެރިވުމަށް އެކަށައެޅޭ އިސްތިރާޖީތައް ޤާއިމްކުރުމާ ގުޅޭ ތަމްރީންތައް ހިމެނެއެވެ.

މި ޕްރޮގްރާމްގެ ދަށުން ރަށްރަށުގައި ކުރިއަށްގެންދެވޭނެ އެކިއެކި ހަރަކާތްތައް ފުރިހަމަކުރާ ރަށްތަކަކީ 'ސުނާމީ ރެޑީ' ރަށްތަކުގެ ގޮތުގައި ކަނޑައަޅާނެއެވެ.