ގިނަ އަދަދެއްގެ ސިނގިރޭޓު ނައްތާލައިފި

މޯލްޑިވްސް ކަސްޓަމްސް ސާވިސަސްގެ ބެލުމުގެ ދަށުން ތިން މިލިއަން ސިނގިރޭޓު ނައްތާލައިފިއެވެ.

އެކްސްއަށް ކުރި ޕޯސްޓެއްގައި ކަސްޓަމްސްއިން ބުނެފައިވަނީ މިތަކެތި ނައްތާލާފައިވަނީ މިއަދު މެންދުރު ކ.ދޫނިދޫގައި ކަސްޓަމްސް އޮފިސަރުންނާއި މީޑިއާގެ ހާޒިރުގައި ކަމަށެވެ.

މި މަސައްކަތަކީ ދުންފަތާއިދުރު ދުޅަހެޔޮ މުޖުތަމައެއް ބިނާކުރުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމުގެ މަތިން ކުރައްވާ މަސައްކަތެކެވެ. އެގޮތުން ރާއްޖޭގައި ވޭޕާއި ސިނގިރޭޓު ވަނީ މަނާކޮށް އެކަމަށް ހަރުކަށި ފިޔަވަޅުތަކެއް އަޅާފައެވެ.