އާސަންދައިގެ ދަށުން ބޭހެއް ނުލިބިއްޖެ ނަމަ ރިޕޯޓް ކުރަން އެދިއްޖެ
ޚަބަރު
05 Jan 2025
އާސަންދައިގެ ދަށުން ބޭސް ލިބުމުގައި ދިމާވާ ކަންބޮޑުވުންތައް ހިއްސާ ކުރުމަށް އެ ކުންފުނިން އެދިވަޑައިގެންފިއެވެ.
އެ ކުންފުނިން ސޯޝަލް މީޑިއާގައި ހިއްސާކުރެއްވި ޕޯސްޓެއްގައި ވިދާޅުވީ، ޕަބްލިކް ހެލްތު ސްކީމްގެ ދަށުން ބޭސް ނަގާއިރު އަމިއްލަ އަތުން ފައިސާ ދައްކަން ޖެހިއްޖެ ނަމަ ނުވަތަ އާސަންދައިގެ ދަށުން އެއްވެސް ބޭހެއް ކަވަރ ނުކޮށްދޭ ނަމަ އެ ޝަކުވާއެއް ހޮޓްލައިން 7951400 އަށް ވައިބާ ކުރަން އެދޭ ކަމަށެވެ.
ރިޕޯޓު ކުރާއިރު ބޭސްފިހާރައިގެ ނަމާއެކު ބޭސް ސިޓީ އަދި ބޭހުގެ ރަސީދު އެ ނަމްބަރަށް ވައިބާ މެދުވެރިކޮށް މެސެޖު ކުރުމަށް އާސަންދައިން ވަނީ އެދިވަޑައިގެންފައެވެ.
އާސަންދަ ނިޒާމް ހަރުދަނާ ކުރުމަށް ގިނަ ބަދަލުތަކެއް މި ސަރުކާރުން އަންނަނީ ގެންނަމުންނެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
