މިއީ ހަރަދުތައް ކުޑަކުރަންޖެހޭ ވަގުތު ، ދަރަނި ރީސްޓަކްޗަރކުރުން ނޫންގޮތެއް ނެތް - އިލްޔާސް

މިއީ ހަރަދުތައް ކުޑަކުރަންޖެހޭ ވަގުތު ކަމަށާއި، ދަރަނި ރީސްޓަކްޗަރކުރުން ނޫންގޮތެއް ނެތްކަމަށ އިލްޔާސް ވިދާޅުވެއްޖެއެވެ. 

އިލްޔާސް ވިދާޅުވީ މިއީ ހަރަދުތައް ކުޑަކުރަންޖެހޭ ވަގުތު ކަމަށާއި، ދަރަނި ރީސްޓަކްޗަރކުރުން ނޫންގޮތެއް ނެތްކަމަށެވެ. މިގޮތުން ދަރަނި ރީފައިނޭންސްކޮށްގެން މިހާލަތުގައި ކުރެވޭނޭ ކަމެއް ނެތްކަމަށްވެސް އޭނާ ފާހަގަކުރައްވާފައިވެއެވެ. 

ނޫސްވެރިންގެ ބައްދަލުވުމުގައި ވާހަކަދައްކަވަމުން ހުޅުދޫ ދާއިރާގެ ކުރީގެ މެންބަރު އިލްޔާސް ލަބީބު ވިދާޅުވީ ދައުލަތުގެ ދަރަނި އެހާބޮޑުވެގެން ދިޔައިރު، އެކަމަށް އަވަސްގޮތެއްގައި ފިޔަވަޅެއް ނޭޅުމީ ސަރުކާރުގެ މައްސަލައެއް ކަމަށާއި އަވަސްގޮތެއްގައި ހަރަދުކުޑަކުރުމަށް ފިޔަވަޅުތައް އަޅަންޖެހޭކަމަށެވެ.

މީގެއިތުރުން މި ސަރުކާރުގެ މާލީ ހިސާބުތައް ހާމަނުކުރާ ކަމަށް ބުނެ، ދަ ޑިމޮކްރެޓްސް އިން ކަންބޮޑުވުން ފާޅުކޮށްފައިވެއެވެ. 

މިއަދު އެ ޕާޓީން ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން އެސްޓީއޯގެ ކުރީގެ މެނޭޖިންގ ޑިރެކްޓަރ އަދި ޑިމޮކްރެޓްސް އުފެއްދުމުގައި އިސްކޮށް ހުންނެވި ހުސެއިން އަމްރު ވިދާޅުވީ، މި ސަރުކާރު ވެރިކަމާ ހަވާލުވުމަށްފަހު މި ވީ ދުވަސްތަކުގައި ސަރުކާރުގެ ސިޔާސަތުތައް ހުރިގޮތުން މާލީކަންކަން ބޮއްސުން ލައިގެން ގޮސްފައިވާކަމަށެވެ. އަމްރު ވިދާޅުވީ، މިދިޔަ ޖޫން މަހުން ފެށިގެން ސަރުކާރުގެ މާލީ ހިސާބު ހާމަނުކުރާކަމަށެވެ.