މިއަހަރުގެ ދެވަނަ ކުއާޓަރުގައި އެމްއައިބީގެ ވިޔަފާރިއަށް ބޮޑު ކުރިއެރުމެއް

މޯލްޑިވްސް އިސްލާމިކް ބޭންކުން މިއަހަރުގެ ދެވަނަ ކުއާޓަރުގައި ބޮޑު ކުރިއެރުމެއް ހޯދައިފިއެވެ. ނިމިދިޔަ ކުއާޓަރުގައި އެބޭންކުން 79.39 މިލިއަން ރުފިޔާ ސާފު ފައިދާގެ ގޮތުގައި ހޯދިއިރު މިއީ މިދިޔަ އަހަރުގެ މި ކުއާޓަރާއި އަޅާ ބަލާއިރު 97.48 % ގެ ކުރިއެރުމެކެވެ.

މި އަހަރުގެ ފުރަތަމަ ކުއާޓަރުގައި އެމްއައިބީއަށް ފައިދާގެ ގޮތުގައި ލިބިފައިވަނީ 56 މިލިއަން ރުފިޔާއެވެ. މި އަހަރުގެ ދެވަނަ ކުއާޓަރުގައި އެ ބޭންކަށް ޖަމާކުރި ފައިސާގެ އަދަދު ވަނީ 8.21 ބިލިއަން ރުފިޔާއަށް އިތުރުވެފައެވެ.މި އަހަރުގެ ފުރަތަމަ ކުއާޓަރުގައި މި އަދަދު ހުރީ 7.58 ގައި ކަން ފާހަގަ ކޮއްލެވެއެވެ. މި އަދަދުތަޖަށް ބަލާއިރު އެބޭންކުގައި ފައިސާ ރައްކާކުރާވަރު ބޮޑުތަނުން އިތުރުވެފައިވާކަން ފާހަގަ ކޮއްލެއެވެ.

ކާމިޔާބީގެ ފަހަތުގައި ރައްޔިތުންގެ އިތުބާރު

އިގްތިސާދީ ދަތި ދަނޑިވަޅެއްގައިވެސް މިފަދަ ބޮޑު ކާމިޔާބީއެއް އެމްއައިބީއިން ހޯދާފައިމިވަނީ ރާއްޖޭގެ ބޭންކިން ނިޒާމަށް އިންގިލާބީ ބޮޑެތި ބަދަލުތަކެއް ގެނެސްދީ ރައްޔިތުންގެ އިތުބާރު ހޯދައިގެންނެވެ. މިއަދު އެމްއައިބީއަކީ ޒުވާނުންގެ އިހްތިޔާރީ ބޭންކެވެ. ބޭންކަށް ނުގޮސް އެކައުންޓު ހުޅުވުމާއި، އަމިއްލައަށް އިންޓަނެޓް ބޭންކިން ސެޓްޕް ކޮއްލެވުމާއި، ވަގުތުން ކާޑު ލިބުމުގެ އިތުރަށް އެމްއައިބީގެ ހިދުމަތުގެ ސަލާމަތީ ކަންކަމުގެ ހަރުދަނާކަން މިއީ މީގެ ސިއްރެވެ.

އަލަށް ވިޔަފާރި ފަށާ ޒުވާނުން މިއަދު އިހްތިޔާރު ކުރަނީ އެމްއައިބީއެވެ. އެކި ވުޒާރަތަކުން ދޭ ލިޔުން ޕްރިންޓުކޮއް އޮޅުން ބޮޅުން ބޮޑު ބޯޑު ރިސޮލިއުޝަންތަށް އެއްފަރާތްކޮށް މުޅިން އޮންލައިންކޮށް  އެބޭންކުގައި މިއަދު އެކައުންޓު ހުޅުވެއެވެ.

އެމްއައިބީގެ މި ކާމިޔާބަަކީ މި އިންގިލާބީ ބަދަލުތައް ރައްޔިތުން ބަލައިގަންނަ ކަމުގެ ހެއްކެކެވެ. އެމްއައިބިން ދަނީ ރައްޔިތުން ބޭނުންވާނެ ފަދަ ގިނަ ބަދަލުތަކެއް ގެނެސް ރާއްޖޭގެ އެކި ކަންކޮޅުތަކަށް އެބޭންކުގެ ހިދުމަތް ފުޅާކުރަމުންނެވެ.