ސަރުކާރަށް ނުވަ މަސް ، ވެ ވަޑައިގެން ހުރިހާ ވައުދެއް ރައީސް ގެންދަވަނީ ފުއްދަވަމުން - އަބްދުއްރަހީމް
މި ސަރުކާރަށް ނުވަ މަސް ފުރިފައިވާއިރު އެ މުއްދަތުގެ ތެރޭގައި ކޮށްދެއްވާނެ ކަމަށް ވެ ވަޑައިގެން ހުރިހާ ވައުދެއް ރައީސް ގެންދަވަނީ ފުއްދަވަމުން ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަފުޅުދައްކަވަމުން އަބްދުއްރަހީމް ވިދާޅުވީ ގައުމު މިއަދު މި ހާލަތަށް އައީ މިދިޔަ ސަރުކާރުގެ ހިޔާނާތުގެ ސަބަބުން ކަމަށެވެ. އޭރު އިދިކޮޅުގައި އޮވެގެން ގައުމަށް ވާނޭ ގޮތުގެ ވާހަކަދެއްކެވި ކަމަށާއި ފައިސާ ޗާޕްކުރުމުން މަޖިލީހުގައި ތިއްބަވައިގެން ޖަލްސާތަކުގައި ވެސް ވާނެ ގޮތުގެ ވާހަކަދެއްކި ކަމަށް ވިދާޅުވިއެވެ. ނަމަވެސް އެ ބޭފުޅުން ދެއްވީ ބީރު ކަންފަތެއްކަން ފާހަގަކުރެއްވެވިއެވެ.
އަބްދުއްރަހީމް ވިދާޅުވީ މިތިބީ އެކަން ހަނދާން ނައްތާލައިގެން ނޫން ކަމަށާއި އެއީ ހަނދާން ނައްތާލެވޭ ވަރަށްވުރެ ބޮޑެތި ހިޔާނަތްތައް ކަމަށެވެ. އަދި މިއަދު މި ގައުމު މި ހާލަތަށް އެ ބޭފުޅުން ވައްޓާލާފައި ގައުމު ސަލާމަތް ކުރަން ސަރުކާރުން އުޅޭއިރު އަނެއްކާ އިތުރަށް މި ގައުމަށް ގެއްލުން ދިނުމަށް މަސައްކަތް ކުރާތީ ދެރަވާ ކަމަށްވެސް އަބްދުއްރަހީމް ވިދާޅުވިއެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
