އޯލެވެލް އަދި އޭލެވެލްގެ ފޭކް ސަނަދުތަކާމެދު ސަމާލުވުމަށް އެމްކިޔުއޭ އިން އިލްތިމާސްކޮށްފި
މޯލްޑިވިސް ކޮލިފިކޭޝަންސް އޮތޯރިޓީ (އެމްކިޔުއޭ) އިން ވަނީ އޯ ލެވެލް އަދި އޭ ލެވެލްގެ ސައްޙަ ނޫން ސަނަދުތަކެއް ދައުރުވަމުން އަންނަކަން ފާހަގަކޮށް،އެ ސަނަދުތަކާއި މެދު މަތީ ތަޢުލީމު ދޭ މަރުކަޒުތަކުން ސަމާލުވުމަށް އިލްތިމާސްކޮށްފައެވެ.
އެމްކިޔުއޭއިން ނެރެފައިވާ އިލްތިމާސް ބަޔާނުގައި، މަތީ ތަޢުލީމު ފޯރުކޮއްދޭ މަރުކަޒުތަކުން ދަރިވަރުންނަށް ކޯސްތަކާއި ޕްރޮގްރާމްތަކުގެ އެންރޯލްމަންޓް ނުވަތަ ޖާގަ ދިނުމުގެ ކުރިން، ކޯހުގައި ބައިވެރިވުމަށް ހުށަހަޅާފައިވާ އޯ ލެވެލް އަދި އޭ ލެވެލް ސަނަދުތަކުގެ ސައްޙަކަން ކަށަވަރުކުރުމަށް އަންގާފައިވެއެވެ.
މޯލްޑިވިސް ކޮލިފިކޭޝަންސް އޮތޯރިޓީ (އެމްކިޔުއޭ) އިން ވަނީ މިފަދަ މައްސަލަތަށް ހައްލުކުރުމުގެ މަޤްސަދުގައި ދިވެހި ފުލުހުންގެ ޚިދުމަތާއި ބައްދަލުކުރައްވައި، އެމްކިޔުއޭގެ ސަމާލުކަމަށް އައިސްފައިވާ މިދަފަ މައްސަލަތަށް ފުލުހުންގެ އިސްބޭފުޅުންނާއި ހިއްސާކުރުމުގެ އިތުރުން މި ފަދަ އަމަލުތަށް ހުއްޓުވޭނެ ގޮތްތަކާއި ގުޅޭގޮތުން މަޝްވަރާކުރައްވާފައެވެ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
