ހަވާ ބަލަން އެކުގައި ދާނެ މީހަކު އަވަހަށް ހޯދަ، މިރޭ ފަސް މިނެޓަށް ހަވާ އަރުވަނީ!

މީލާދީ އައު އަހަރު ފާހަގަކުރުމުގެ ގޮތުން ހުޅުމާލޭގައި މިރޭ ފަސް މިނެޓަށް ހަވާ އެރުވުމަށް ހަމަޖެހިއްޖެއެވެ.

އެމްއެންޑީއެފް އިން މިރޭ ވިދާޅުވީ، މީލާދީ އައު އަހަރު ފާހަގަކުރުމުގެ ގޮތުން ހުޅުމާލޭ ސެންޓްރަލް ޕާކުގައި މިރޭ 23:59 ގައި ހަވާ އެރުވުމަށް ހަމަޖެހިފައިވާ ކަމަށެވެ.

މި ހަރަކާތާއި ގުޅިގެން މީގެ ކުރިން ފަރިތަކުރުންތައްވެސް ކުރިއަށް ގެންގޮސްފައި ވެއެވެ.

އާ އަހަރު ފާހަގަކުރުމަށް މޯލްޑިވްސް ކަލްޗާ އެންޑް ފުޑް ފެސްޓިވަލް ނަމުގައި ކުރިއަށް ގެންދާ ހަރަކާތްތައް މިރޭ އާއި ބުދަ ދުވަހުގެރޭ ހުޅުމާލެ ސެންޓްރަލް ޕާކްގައި ކުރިއަށް ދާނެއެވެ.

މި ފެސްޓިވަލްގައި ދިވެހި ސަގާފީ ފުޑް ފެސްޓިވަލަކާއި 15 މިނެޓުގެ ޑްރޯން ޝޯއަކާއި ދިވެހި ސަގާފަތް ދައްކާލުމުގެ ހަރަކާތްތައްވެސް ދައްކާލާނެވެ.