އިޖްތިމާޢީ މައްސަލަތަށް ޙައްލުކުރުމާއި ގުޅޭ އެއްބަސްވެމެއްގައި ސޮއިކޮށްފި

ދިވެހިރާއްޖޭގެ ޤައުމީ ޔުނިވާސިޓީ(އެމްއެންޔޫ) އާއި ނެޝަނަލް ކައުންޓަރ ޓެރަރިޒަމް ސެންޓަރ (އެންސީޓީސީ)ގެ އިން ދިވެހިރާއްޖޭގެ ބޮޑެތި އިޖްތިމާޢީ މައްސަލަތަށް ޙައްލުކުރުމަށް އަމާޒުކޮށް އެއްބަސްވުމެއްގައި ސޮއިކޮއްފިއެވެ.

މި އެއްބަސްވުމަކީ ދިވެހިރާއްޖެއަށް އަންނަ ސިޔާސީ ބަދަލުތަކުގެ ސަބަބުން ޤައުމުގެ އިޖްތިމާޢީ ހާލަތަށް އަންނަ ބަދަލުތަކާއި، ހަރުކަށި ފިކުރުތަކާއި އެފަދަ ވިސްނުން ގެންގުޅޭ މީހުންނާއި، ޤައުމުގެ ސުލްޙަ މަސަލަސްކަމާއި އަމާންކަން ހިމާޔަތްކުރުމަށް އެޅުން މުޙިއްމު ފިޔަވަޅުތަކާއި ގުޅޭގޮތުން ދިރާސާކޮށް، މިފަދަ މައްސަލަތަށް ޙައްލުކުރުމުގެ މަޤްސަދުގައި ސޮއިކުރެވުނު އެއްބަސްވުމެކެވެ.

އެމްއެންޔޫގެ ފަރާތުން މި އެއްބަސްވުމުގައި ސޮއިކުރައްވާފައިވަނީ އެ ޔުނިވާސިޓީގެ ވައިސް ޗާންސެލަރ، ޑރ، އައިޝަތު ޝެހެނާޒް އާދަމެވެ. އަދި އެންސީޓީސީގެ ފަރާތުން އެ އިދާރާގެ ޑައިރެކްޓަރ-ޖެނެރަލް، ވައިސް ވަޙީދު ވަނީ މި އެއްބަސްވުމުގައި ސޮއިކުރައްވާފައިވެއެވެ.

ދިވެހިރާއްޖޭގެ ޤައުމީ ޔުނިވާސިޓީ (އެމްއެންޔޫ) އިން އަންނަނީ ތަފާތު އެކި ދާއިރާތަކުގެ އިލްމީ ބޭފުޅުންނާއި ތަޖުރިބާކާރު ބޭފުޅުންގެ އިތުރުން އެކި މުއައްސަސާތަކާއި ގުޅިގެން ދިވެހިރާއްޖެއަށް ދިމާވާ ގޮންޖެހުންތަށް ޙައްލުކުރުމާއި ޤައުމުގެ ތަރައްޤީއަށް އަމާޒުކޮށް އެތަށް ދިރާސާއެއް ކުރަމުންނެވެ.