ގްރޭޓަރ މާލެ ސަރަޙައްދުގެ މަގުތަކުގެ ތޮއްޖެހުން ޙައްލު ކުރުމާއި ގުޅޭގޮތުން ޓްރާންސްޕޯޓާއި ވެމްކޯއިން މަޝްވަރާކޮށްފި
މާލެ ސަރަޙައްދުގެ މަގުތަކަށް ދިމާވެފައިވާ ތޮއްޖެހުމުގެ މައްސަލައަށް ޙައްލެއް ހޯދުމުގެ ގޮތުން ކުރެވިދާނެ ކަންތައްތަކާއި ބެހޭގޮތުން މަޝްވަރާކުރެއްވުމަށް މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަނާއި ވޭސްޓް މެނޭޖްމަންޓް ކޯޕަރޭޝަންގެ އިސް ބޭފުޅުންގެ މެދުގައި ބައްދަލުވުމެއް ބާއްވައިފިއެވެ.
މި ބައްދަލުވުމުގައި މާލޭގައި ދުއްވާ އުޅަނދުތައް ގިނަވެ ޙާއްޞަކޮށް މުދާއުފުލުމަށް ބޭނުންކުރާ ޕިކަޕް ލޮރީ ފަދަ ބޮޑެތި އުޅަނދުތަކުގެ ސަބަބުން ދިމާވެފައިވާ ތޮއްޖެހުމުގެ މައްސަލައަށް އަވަސް ހައްލެއް ހޯދުމުގެ ގޮތުން ދެ މުޢައްސަސާ ގުޅިގެން އެޅިދާނެ ފިޔަވަޅުތަކާއި ބެހޭގޮތުން ޚިޔާލު ބަދަލު ކުރެވުނެވެ.
މިގޮތުން ވެމްކޯއިން މިހާރު ކުނި އުފުލާ ގަޑިތަކަށް ބަދަލު ގެނައުމުގެ އިންތިޒާމްތަކާއި ބެހޭ ގޮތުން މަޝްވަރާކުރެވުނެވެ. މިކަމަކީ ސަރުކާރުން މިހާރު ފަށާފައިވާ މާލެފަހި ޕްރޮގްރާމްގެ ތެރޭގައި މާލެ ސަރަޙައްދުގެ މަގުތަކުގެ ތޮއްޖެހުން ޙައްލުކުރުމަށް ކަނޑައަޅާފައިވާ ކަންތައްތަކުގެ ތެރޭގައި ހިމެނޭ ކަމެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
