ރިޔާދުގައި ދިރިއުޅޭ ދިވެހިރައްޔިތުންނާ ޚާރިޖީ ވަޒީރު ބައްދަލުކުރައްވައިފި

ޚާރިޖީ ވަޒީރު މޫސާ ޒަމީރު ސައޫދީ އަރާބިއްޔާއަށް މިހާރު ކުރައްވަމުން ގެންދަވާ ރަސްމީ ދަތުރުފުޅުގައި ރިޔާދުގައި ދިރިއުޅުއްވާ ދިވެހިރައްޔިތުންނާ ބައްދަލުކުރައްވައިފިއެވެ.

ސައޫދީގައި ހުންނަ ދިވެހިރާއްޖޭގެ އެމްބަސީގައި ކުރިއަށްދިޔަ މި ބައްދަލުކުރެއްވުމުގައި، ރިޔާދުގައި ތަފާތު އެކި ބޭނުންތަކުގައި މިހާރު ދިރިއުޅުވަމުން ގެންދަވާ ދިވެހި ރައްޔިތުންގެ ހާލު ބައްލަވާފަވެއެވެ.

އަދި މިޝަންތައް މެދުވެރިކޮށް ބޭރުޤައުމުތަކުގައި ތިއްބަވާ ދިވެހިރައްޔިތުނަށް ވީހާވެސް ލުއިފައްސޭހަކޮށް ކޮންސިއުލަރ ޚިދްމަތް ދިނުމަށް މިޝަންތަކުން މަސައްކަތްކުރައްވާނެ ކަމުގެ ޔަގީން ކަން އެރުއްވިއެވެ.