ކޭސްވޯކަރއެއްގެ ގޮތުގައި މަސައްކަތްކުރުމުގެ ފުރުސަތު ހުޅުވާލައިފި

ކޭސްވޯކަރއެއްގެ ގޮތުގައި މަސައްކަތްކުރުމުގެ ފުރުސަތު ހުޅުވާލައިފި

ނެޝަނަލް ކެރިއަރ ސަރވިސް (އެންސީއެސް)ގައި، ކޭސްވޯކަރއެއްގެ ގޮތުގައި މަސައްކަތްކުރުމުގެ ފުރުސަތު ހުޅުވާލައިފިއެވެ.

މި ހުޅުވާލި ފުރުސަތުގައި މަސައްކަތް ކުރަންޖެހޭނީ ހުޅުމާލެ، އައްޑޫ ސިޓީ ހިތަދޫ އަދި ހދ.ކުޅުދުއްފުށި ސިޓީގައެވެ. މިގޮތުން ހުޅުމާލޭގައި މަސައްކަތްކުރުމުގެ 3 ފުރުސަތު، އައްޑޫ ސިޓީ ހިތަދޫގައި މަސައްކަތްކުރުމުގެ 1 ފުރުސަތު އަދި ހދ.ކުޅުދުއްފުށީގައި މަސައްކަތްކުރުމުގެ 1 ފުރުސަތު ވަނީ ހުޅުވާލާފައެވެ.

މިއީ، މިނިސްޓްރީ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓްގެ ދަށުން ހިންގާ، ސަސްޓެއިނަބަލް އެންޑް އިންޓެގްރޭޓެޑް ލޭބަރ ސަރވިސެސް (ސެއިލްސް) ޕްރޮޖެކްޓްގެ ކޭސްވޯކަރއެއްގެ ގޮތުގައި މަސައްކަތްކުރުމަށް ހުޅުވާލާފައިވާ ފުރުސަތެކެވެ.

މި ޕްރޮޖެކްޓްކީ ވަޒީފާގެ މައިދާނުގައި ގިނަ ދިވެހިންނަށް ވަޒީފާގެ ފުރުސަތު ފަހިކޮއްދިނުމާއި،ވަޒީފާ ހޯދުމުގައި ދިމާވާ ގޮންޖެހުންތަށް ހައްލު ކޮއްދިނުމަށް އަމާޒުކޮށް، ވޯލްޑެ ބެންކްގެ ޚަރަދުގައި ހިންގާ ޕްރޮޖެކްޓެކެވެ.

ސެއިލްސް ޕްރޮޖެކްޓްގައި 'ކޭސްވޯކަރ'އެއްގެ ގޮތުގައި މަސައްކަތްކުރުމުގެ ފުރުސަތު ހުޅުވައިލެވިފައިވާއިރު، މި މަސައްކަތުގެ މުއްދަތަކީ 1 އަހަރުދުވަހެވެ. މަސައްކަތުގެ އެއްބަސްވުމުގައި ސޮއިކުރުމަށްފަހު ފުރުތަމަ 3 މަސްދުވަސް (ޕްރޮބޭޝަން)ގައި މަސައްކަތުގެ ފެންވަރަށް ބަލައި، އެއްބަސްވުން އައުކުރެވިގެންދާނެއެވެ. މި އެއްބަސްވުން ފެށުމަށް ހަމަޖެހިފައިވަނީ މި އަހަރުގެ ސެޕްޓެމްބަރ މަހުގައެވެ.

މި ޕްރޮޖެކްޓްގައި ކޭސްވޯކަރ އެއްގެ ގޮތުގައި މަސައްކަތްކުރުމަށް ޝައުގުވެރިވާ ފަރާތްތަކުގެ ޝަރުރުތަކުގެ ތެރޭގައި، ހިއުމަން ރިސޯސް، ކަސްޓަމަރ ކެއަރ، ޕަބްލިކް ރިލޭޝަންސް، ސޯޝަލް ވޯކް ނުވަތަ އެއާއި ގުޅުން ހުރި ދާއިރާއަކުން ބެޗްލަރސް ޑިގްރީ ހާޞިލުކޮއްފައިވުން، ގުޅުން ހުރި ދާއިރާއެއްގައި މަދުވެގެން 3 އަހަރުދުވަހުގެ ތަޖުރިބާ ލިބިފައިވުން، އިދާރީ މަސައްކަތްތަށް ކުރުމަށް، އެކްސެލް ފަދަ ކޮންޕިއުޓަރުގެ އެކި ޕްރޮގްރާމްތަކަށް އަހުލުވެރި ފަރާތެއްކަމުގައިވުން، ވަޒީފާގެ މައިދާނުގައި ޒުވާނުންނަށް ދިމާވާ ގޮންޖެހުންތަކާއި ގުޅޭގޮތުން މަޢުލުމާތު މުއްސަނދި ފަރާތެއްކަމުގައިވުން، ޕްރޮޖެކްޓްގެ ޓީމާއި ގުޅިގެން މަސައްކަތްކުރުމަގެ ޤާބިލްކަން ހުރި ފަރާތެއްކަމުގައިވުމުގެ އިތުރުން ދިވެހިބަސް އަދި އިނގެރޭސި ބަހަށް ފަރިތަ ފަރާތެއް ކަމުގައިވުން ހިމެނެއެވެ.

މި މަސައްކަތުގައި ޢަދާކުރަންޖެހޭ ޒިންމާތަކާއި ގުޅޭ އިތުރު މަޢުލުމާތު މިނިސްޓްރީ އޮފް ހަޔަރ އެޑިޔުކޭޝަންގެ ފަރާތުން ގެޒެޓް ކޮއްފައިވާ އިޢުލާނުގައިވާ ޓާރމްސް އޮފް އިންޓެރެސްގައި ބަޔާންކޮއްފައިވާނެއެވެ.

ކޭސްވޯކަރއެއްގެ ގޮތުގައި މަސައްކަތްކުރެއްވުމަށް ޝައުގެވެރިވާ ފަރާތްތަކުން ތިރީގައިވާ ލިންކު މެދުވެރިކޮށް،'އެކްސްޕްރެޝަން އޮފް އިންޓްރެސްޓް'، ކަވަރ ލެޓަރ، ތަޢުލީމީ ސެޓްފިކެޓްތަށް އަދި އިތުރު ލިޔެކިޔުންތަށް، [email protected] އަށް އީ-މެއިލް ކުރައްވައިގެން ހުށަހެޅޭނެއެވެ.

މި މަސައްކަތަށް ހުށަހެޅުމުގެ ސުންގަނޑިއަކީ 08 ސެޕްޓެންބަރު ވާ ބުދަ އާދިއްތަ ދުވަހުގެ 14:00 އެވެ.

ކޮމެންޓް ކުރޭ

އީމެއިލް ނުފެންނާނެއެވެ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

އިތުރު ލިއުން
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
ދިވެހިރާއްޖޭގައި ފަހިވަމުން އަންނަ ވިޔަފާރީގެ ފުރުޞަތުތަކުގެ ބޭނުންހިފައި، ދިގުމުއްދަތުގެ ވިޔަފާރީގެ ގުޅުންތައް ޤާއިމުކުރުމުގެ ދަޢުވަތު، ޕާކިސްތާނުގެ ވިޔަފާރިވެރިންނަށް ރައީސުލްޖުމްހޫރިއްޔާ ދެއްވައިފި
އަޚުވަންތަކަމާއި އިސްލާމީ އެއްބައިވަންތަކަމުގެ މައްޗަށް ބިނާވެފައިވާ 60 އަހަރުގެ ޚާރިޖީ ގުޅުން ފާހަގަކުރައްވަމުން ރައީސުލްޖުމްހޫރިއްޔާ ވިދާޅުވީ، ދެޤައުމުގެ މެދުގައި އޮތް ޚާރިޖީ އިތުބާރާއި ސިޔާސީ ގުޅުން ބަދަހިކަމާއެކު ދެމިއޮތް ނަމަވެސް، އިޤްތިޞާދީ ގުޅުން އެންމެ ފުރިހަމަ ގޮތުގައި އަދިވެސް ބަދަހިވެގެންނުދާ ކަމަށެވެ. އަދި ކުރިއަށް އޮތް ދެ އަހަރުގެ ތެރޭގައި ދެޤައުމުގެ މެދުގައި ކުރެވޭ ވިޔަފާރީގެ މިންވަރު، 200 މިލިއަން އެމެރިކާ ޑޮލަރަށް އިތުރުކުރުމަށް ޕާކިސްތާނުގެ ބޮޑުވަޒީރު ޝަހްބާޒް ޝަރީފް ވަޢުދުވެވަޑައިގެންފައިވާކަން އެމަނިކުފާނު ފާހަގަކުރެއްވިއެވެ.
ޚަބަރު 23 Oct 2026
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައީސުލްޖުމްހޫރިއްޔާގެ ދެކަނބަލުން ޕާކިސްތާނަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު މާލެ ވަޑައިގެންފި
ރައްޔިތުންގެ މިދަތުރުފުޅު ވެގެންގޮސްފައިވަނީ ދިވެހިރާއްޖެއާއި ޕާކިސްތާނާ ދެމެދު ސިޔާސީ ގުޅުން ޤާއިމުކުރިތާ 60 އަހަރު ފުރުނު ތާރީޚީ މުނާސަބަތާވެސް ގުޅިފައިވާ ދަތުރުފުޅަކަށެވެ. އަދި މި ދަތުރުފުޅުގެ ސަބަބުން ދެ ޤައުމުގެ މެދުގައި އޮތް ޒަމާންވީ ގުޅުން ބަދަހިކޮށް، ދެ ޤައުމަށް ފައިދާހުރި މުހިންމު ދާއިރާތަކުން އިތުރަށް ގުޅުން ހަރުދަނާކުރުމަށް މަގުފަހިވެގެންދިޔައެވެ.
ޚަބަރު 23 Oct 2026
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
5 މިލިއަން ގަސް އިންދުމުގެ މަޝްރޫޢު: އަމާޒުގެ ގާތްގަނޑަކަށް ދެބައިކުޅައެއްބައި ހާސިލުވެއްޖެ
މި މަޝްރޫޢާ ގުޅޭގޮތުން އާންމުކޮށްފައިވާ އެންމެ ފަހުގެ ހިސާބުތައް ދައްކާގޮތުން، ރާއްޖޭގެ އެކި ކަންކޮޅުތަކުގައި މިހާތަނަށް ޖުމްލަ 2،463،339 )ދެ މިލިއަން ހަތަރު ލައްކަ ފަސްދޮޅަސް ތިން ހާސް ތިންސަތޭކަ އޮނަތިރީސް( ގަސް ވަނީ އިންދާފައެވެ. މިއީ ސަރުކާރުން އަމާޒު ހިފާފައިވާ 5 މިލިއަން ގަހުގެ ނިސްބަތުން ބަލާއިރު 49.3 އިންސައްތައެވެ.
ޚަބަރު 23 Oct 2026
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
ޕާކިސްތާނުގެ އިންޓަރނޭޝަނަލް އިސްލާމިކް ޔުނިވަރސިޓީ އިސްލާމްއާބާދުން ރައީސް ޑރ. މުޢިއްޒަށް ޝަރަފުވެރި ޑޮކްޓަރޭޓް އެރުވުން
މި ޝަރަފު ރައީސް ޑރ. މުޢިއްޒަށް އަރުވާފައިވަނީ ރައީސުލްޖުމްހޫރިއްޔާއާއި ޕާކިސްތާނުގެ ބޮޑުވަޒީރު ޝެހްބާޒް ޝަރީފާ ދެމެދު ބޭއްވެވި ރަސްމީ މަޝްވަރާތަކަށްފަހު، ދެ ޤައުމުގެ ވެރިން މީޑިއާއަށް ބަޔާން ދެއްވުމަށް ބޭއްވި ރަސްމިއްޔާތުގައެވެ. މި ޚާއްޞަ ރަސްމިއްޔާތު ޝަރަފުވެރިކޮށްދެއްވީ ބޮޑުވަޒީރު ޝެހްބާޒް ޝަރީފެވެ.
ޚަބަރު 21 Oct 2026