ޑްރައިވިންގ ލީޑަރޝިޕް އެކްސެލެންސް އިން އެޑިޔުކޭޝަންގެ ނަމުގައި ތަމްރީނު ޕްރޮގްރާމެއް

ޑްރައިވިންގ ލީޑަރޝިޕް އެކްސެލެންސް އެޑިޔުކޭޝަން ގެ ނަމުގައި ޕްރިންސިޕަލުންނާއި ޑެޕިއުޓީ ޕްރިންސިޕަލުންނަށް ޚާއްޞަ ތަމްރީނު ޕްރޮގްރާމެއް ކުރިޔަށް ގެންގޮސްފިއެވެ.

ނޭޝަނަލް އިންސްޓިޓިއުޓް އޮފް އެޑިޔުކޭޝަނުން އިންތިޒާމުކޮށްގެން ކުރިއަށްގެންދިޔަ މި ތަމްރީނު ޕްރޮގްރާމަކީ ސްކޫލުތަކުގެ ހިންގުން އިތުރަށް ހަރުދަނާ ކުރުމާއި، ތަޖުރިބާ ޙިއްޞާ ކުރުމުގެ މަޤުޞަދުގައި ކުރިއަށް ގެންދިޔަ ތަމްރީނު ޕްރޮގްރާމެކެވެ. މި ޕްރޮގްރާމްގައި މާލެ އާއި ކ.އަތޮޅުގެ ބައެއް ސްކޫލުތައް ހިމެނޭ ގޮތުން ޖުމްލަ 52 ޕްރިންސިޕަލުން ބައިވެރިވެ ވަޑައިގެންނެވިއެވެ.

  2024 ޖުލައި 18 އިން 20 އަށް ޞަލާޙުއްދީން ސްކޫލްގައި ކުރިޔަށްދިޔަ މި ތަމްރީން ޕްރޮގްރާމްގެ ބައިވެރިންނަށް މަޢުލޫމާތު ދެއްވީ، ޚިދުމަތުގައި ތިއްބަވާ މުވައްޒަފުން ތަޒާކުރުމާއި، މަސައްކަތަށް އަހުލުވެރިކުރުވުމުގައި ތަޖުރިބާކާރު ބޭފުޅެއްކަމުގައިވާ، މެލޭސިޔާގެ ޕްރޮފެސަރ ޚަދީޖާ ޢަބްދުﷲ އާއި މިނިސްޓަރ އޮފް ސްޓޭޓް ފޮރ އެޑިޔުކޭޝަން ޑރ. އަޙުމަދު މުހައްމަދެވެ.